ڈالر کے مقابلے روپے کی قدر میں بہتری

انٹربینک مارکیٹ میں بدھ کو بھی ڈالر کے مقابلے میں روپے کی قدر میں بہتری کا سلسلہ جاری رہا۔

اسٹیٹ بینک کے مطابق کاروبار کے اختتام پر ڈالر کے مقابلے میں روپیہ 3 پیسے کی بہتری سے 278 روپے 7 پیسے پر بند ہوا۔

یاد رہے کہ منگل کو مقامی کرنسی 278.10 روپے پر بند ہوئی تھی۔

دوسری جانب ایشیائی مارکیٹ میں بدھ کو امریکی ڈالر ایک ہفتے کی بلند ترین سطح پر پہنچ گیا جس کی وجہ ایران پر امریکہ کے نئے فضائی حملے ہیں۔ ڈالر کی قدر میں 0.2 فیصد اضافہ ہوا اور یہ 162.46 ین پر پہنچ گیا، جو 2 جولائی کے بعد اس کی بلند ترین سطح ہے۔ یورو 0.1 فیصد کی کمی سے 1.1405 ڈالر اور برطانوی پاؤنڈ 0.1 فیصد گر کر 1.3351 ڈالر پر آگیا۔

اسی دوران نیوزی لینڈ کے مرکزی بینک کی جانب سے افراطِ زر پر قابو پانے کے لیے شرحِ سود میں 25 بیسس پوائنٹس کا اضافہ کر کے اسے 2.5 فیصد کرنے اور مستقبل میں مانیٹری پالیسی مزید سخت کرنے کے اشارے کے بعد نیوزی لینڈ کا ڈالر (کیوی) 0.5 فیصد اضافے سے 0.5705 ڈالر پر پہنچ گیا۔ آسٹریلین ڈالر بھی 0.1 فیصد اضافے سے 0.6938 ڈالر پر دیکھا گیا۔ چھ بڑی عالمی کرنسیوں کے مقابلے میں ڈالر کی قدر کو ناپنے والا یو ایس ڈالر انڈیکس 2 جولائی کے بعد پہلی بار 101.210 کی سطح کو چھو گیا۔ عالمی منڈی میں خام تیل کی قیمتوں میں بھی لگ بھگ 2 فیصد کا اضافہ ہوا، جہاں برنٹ کروڈ 1.38 ڈالر بڑھ کر 75.54 ڈالر اور امریکی ڈبلیو ٹی آئی 1.37 ڈالر کے اضافے کے ساتھ 71.81 ڈالر فی بیرل پر پہنچ گیا۔