انٹربینک مارکیٹ : ڈالر کے مقابلے میں روپیہ مزید مضبوط

انٹربینک مارکیٹ میں منگل کو بھی ڈالر کے مقابلے روپے کی قدر میں اضافہ ریکارڈ کیا۔

اسٹیٹ بینک کے مطابق کاروبار کے اختتام پر ڈالر کے مقابلے میں روپیہ ایک پیسے کی بہتری سے 278.30 روپے پر بند ہوا۔

یاد رہے کہ پیر کو مقامی کرنسی 278.31 روپے پر بند ہوئی تھی۔

دریں اثنا عالمی مارکیٹ میں منگل کو امریکی ڈالر 10 روزہ کم ترین سطح کے قریب رہا۔

یورو 1.159 ڈالر پر تھا جو پیر کے روز چھوئی گئی 10 روزہ بلند ترین سطح 1.1622 ڈالر سے کچھ ہی نیچے ہے۔

برطانوی پاؤنڈ (اسٹرلنگ) منگل کی صبح کے ابتدائی کاروبار میں 1.3413 ڈالر پر خریدا گیا۔

ڈالر انڈیکس 99.66 پر تھا۔

فروری کے آخر میں تنازع شروع ہونے کے بعد سے یہ انڈیکس ایک نازک جنگ بندی اور باہمی جوابی حملوں کے غیر مستحکم ردعمل کے باعث 2 فیصد تک بڑھ چکا ہے۔

مزید برآں منگل کو خام تیل کی قیمتوں میں بحالی دیکھنے میں آئی۔

برینٹ کروڈ فیوچر 26 سینٹس یا 0.3 فیصد اضافے کے ساتھ 83.42 ڈالر فی بیرل جب کہ امریکی ویسٹ ٹیکساس انٹرمیڈیٹ 46 سینٹس یا 0.3 فیصد اضافے کے ساتھ 81.12 ڈالر فی بیرل پر پہنچ گیا۔