فیڈریشن آف پاکستان چیمبرز آف کامرس اینڈ انڈسٹری کے صدر عاطف اکرام شیخ نے ای سی او چیمبر آف کامرس، پاکستان یورپی یونین بزنس فورم، کیچی، پاکستان آسیان بزنس فورم، کامن ویلتھ، ڈی 8 سی سی آئی اور او آئی سی سمیت مختلف بین الاقوامی فورمز پر نیشنل کمیٹیوں کی تشکیل کا اعلان کیا ہے۔ اس کے ساتھ ہی انہوں نے ملک بھر کی تجارتی تنظیموں، چیمبرز اور ایسوسی ایشنز کے لیے ممبرشپ مہم کا بھی آغاز کر دیا ہے۔
انہوں نے بتایا کہ یہ اہم اقدام ملک کے تجارتی، سرمایہ کاری اور معاشی مفادات کے فروغ کے لیے معروف بین الاقوامی تنظیموں کے ساتھ زیادہ مربوط اور نتیجہ خیز انداز میں روابط کو ادارہ جاتی شکل دے کر علاقائی اور عالمی اقتصادی پلیٹ فارمز پر پاکستان کی مؤثر نمائندگی اور فعال شرکت کو نمایاں طور پر بہتر بنائے گا۔
Comments