ورلڈ کال ٹیلی کام لمیٹڈ نے جمعرات کو اعلان کیا ہے کہ اس کے بورڈ نے بین الاقوامی آپریشنز سنبھالنے کے لیے متحدہ عرب امارات میں 100 فیصد ملکیتی ذیلی کمپنی قائم کرنے کی منظوری دے دی ہے۔
کمپنی نے اس پیش رفت سے متعلق پاکستان اسٹاک ایکسچینج کو ایک نوٹس کے ذریعے آگاہ کیا۔
کمپنی نے یہ بھی بتایا کہ بورڈ آف ڈائریکٹرز کے اجلاس میں کمپنی کا نام تبدیل کر کے ورلڈ کال ٹیکنالوجیز لمیٹڈ رکھنے کا فیصلہ کیا گیا ہے، تاہم یہ تبدیلی ایس ای سی پی کی باضابطہ منظوری اور دیگر متعلقہ اجازت ناموں سے مشروط ہے۔
ورلڈ کال ٹیلی کام لمیٹڈ ایک پبلک لمیٹڈ کمپنی ہے جو سنہ 2001 میں پاکستان میں قائم کی گئی (انکارپوریٹڈ) تھی۔
کمپنی پاکستان میں وائرلیس لوکل لوپ (ڈبلیو ایل ایل) اور لانگ ڈسٹنس اینڈ انٹرنیشنل (ایل ڈی آئی) خدمات فراہم کرتی ہے۔
Comments