کے الیکٹرک نے ادیب احمد کو عبوری سی ای او مقرر کر دیا

کے الیکٹرک ( کے ای) نے جمعہ کو ادیب احمد کو فوری طور پر کمپنی کا عبوری چیف ایگزیکٹو آفیسر ( سی ای او ) مقرر کر دیا ہے۔

یہ پیش رفت مونس علوی کے پاور یوٹیلیٹی کے سی ای او کے عہدے سے مستعفی ہونے کے ایک ہفتے بعد سامنے آئی۔

کے الیکٹرک نے ایک بیان میں کہا ہے کہ ” پاکستان اسٹاک ایکسچینج (پی ایس ایکس) میں مورخہ 06 فروری 2026 کو ہونے والے اعلان کے بعد، کے الیکٹرک کے بورڈ آف ڈائریکٹرز نے جمعہ کو ہونے والے اجلاس میں سید مونس عبداللہ علوی کی جگہ ادیب احمد کو کمپنی کا عبوری چیف ایگزیکٹو آفیسر مقرر کیا ہے۔“

کے الیکٹرک کی ویب سائٹ کے مطابق ادیب احمد کا کیریئر 34 سال پر محیط ہے، جس میں انہوں نے سی سویٹ کے اہم عہدوں پر کام کیا ہے۔ وہ مشرق وسطی اور شمالی افریقہ (ایم ای این اے)، ترکی، سی آئی ایس، جنوب مشرقی ایشیا اور پاکستان میں نجی ایکویٹی فنڈز، ایم اینڈ اے (انضمام اور حصول) اور تبدیلی پر مرکوز توانائی اور دیگر بنیادی ڈھانچے کے شعبوں کے انتظام میں حصہ لیا ہے۔“

ادیب احمد نے جی سی سی (خلیجی ممالک) اور پاکستان میں سرمایہ کاری بینکنگ اداروں کے ساتھ متعدد انضمام و حصول ( ایم اینڈ اے)، نجکاری اور سرمایہ بڑھانے کے منصوبوں پر کام کیا ہے۔ وہ حال ہی میں ہاسکول پیٹرولیم لمیٹڈ کے سی ای او کے طور پر خدمات انجام دے چکے ہیں۔

احمد نے سعودی عرب میں اسلامی کارپوریشن برائے نجی شعبے کی ترقی ( آئی سی ڈی) میں سی ای او کے سینئر مشیر اور نائب سی ای او-نامزد کے طور پر بھی خدمات انجام دی ہیں۔ وہ ایل ایس ای ، برطانیہ سے ایم ایس سی اور کراچی کے آئی بی اے سے ایم بی اے کے حامل ہیں۔