پی پی ایل اور بلوچستان حکومت کے درمیان کان کنی کے شعبے میں شراکت داری میں توسیع

پاکستان پٹرولیم لمیٹڈ (پی پی ایل)، جو ملک کی سب سے بڑی ای اینڈ پی کمپنیوں میں سے ایک ہے، اور حکومت بلوچستان (جی او بی) نے 2004 میں بیریٹس پروجیکٹ کے لئے اپنے آپریٹنگ معاہدے میں ترمیم پر دستخط کرکے اپنی موجودہ اپنی موجودہ مائننگ پارٹنرشپ کو بڑھادیا ہے۔

لسٹڈ کمپنی نے جمعرات کو پاکستان اسٹاک ایکسچینج (پی ایس ایکس) کو اپنے نوٹس میں اس پیش رفت سے آگاہ کیا۔

نوٹس کے مطابق ہمیں یہ اعلان کرتے ہوئے خوشی ہو رہی ہے کہ پاکستان پیٹرولیم لمیٹڈ (پی پی ایل) نے فریقین کے درمیان بریٹ، لیڈ اور زنک پروجیکٹ (بی ایل زیڈ پروجیکٹ) کے مشترکہ منصوبے کے انتظام کے تحت حکومت بلوچستان (جی او بی) کے ساتھ 15 نومبر 2004 کے آپریٹنگ معاہدے میں ترمیم نمبر ون پر عمل درآمد کیا ہے۔

نوٹس میں کہا گیا ہے کہ اس ترمیم کے نتیجے میں ضلع خضدار میں 6 دسمبر 2021 کو لیڈ اور زنک کے لیے کان کنی لیز نمبر 16 کے تحت جو علاقہ نافذ کیا گیا تھا وہ موجودہ آپریٹنگ معاہدے میں شامل ہو گیا ہے، اس کے علاوہ ضلع خضدار کے علاقے گنگا میں بیریٹس کے لیے موجودہ رقبے کو بھی شامل کیا گیا ہے۔

پی پی ایل نے بتایا کہ اپنی کان کنی کی ذیلی کمپنی بی ایم ای کے ذریعے یہ بی ایل زیڈ پروجیکٹ کا آپریٹر ہوگا اور آپریٹنگ معاہدے کی شرائط کے مطابق روزگار کے مواقع کے لئے مقامی رہائشیوں کو ترجیح دی جائے گی۔

بی ایم ای ایک مشترکہ منصوبہ ہے جس میں جی او بی اور پی پی ایل کا 50 فیصد ورکنگ انٹریسٹ ہے، جو دونوں کے درمیان یکم جون 1974 کو 30 سالہ معاہدے کے تحت گنگا کے قریب خضدار میں بیریٹ کے ذخائر اور بلوچستان میں دیگر معدنیات کو کان کنی، پیسنے اور مارکیٹنگ کے لیے دستخط کیا گیا تھا۔

پی پی ایل اور جی او بی دونوں بی ایل زیڈ پروجیکٹ میں اپنے متعلقہ ایکویٹی حصص کے تناسب سے فنڈز فراہم کریں گے، کمپنی فنانسنگ انتظامات کے ذریعے جی او بی کے سرمائے کی شراکت کے لئے اپنے کیش فلو سے فنڈنگ کا انتظام کرے گی۔

اس سے قبل 2019 میں ڈی ایم ٹی جرمنی کی جانب سے بین الاقوامی معیار کی فزیبلٹی اسٹڈی مکمل کی گئی تھی اور بی ایل زیڈ منصوبہ اس وقت ترقیاتی مرحلے میں ہے۔

پی پی ایل کے مطابق اس منصوبے سے 144 ملین ڈالر کی اوسط سالانہ آمدنی متوقع ہے جس میں 356 ملین ڈالر کی این پی وی شامل ہے۔