اینگرو انرجی کی ای پی کیو ایل ایس پی اے کی خلاف ورزی کی تردید، معاہدہ ختم

اینگرو پاورجن قادر پور لمیٹڈ (ای پی کیو ایل) کی پیرنٹ کمپنی اینگرو انرجی لمیٹڈ (ای ای ایل) نے ای پی کیو ایل حصص کی خریداری کے معاہدوں (ایس پی اے) کے تحت کسی بھی خلاف ورزی کی تردید کی اور تمام الزامات کو مسترد کردیا۔

لسٹڈ کمپنی نے پیر کو پاکستان اسٹاک ایکسچینج (پی ایس ایکس) کو ایک نوٹس کے ذریعے اس پیش رفت سے آگاہ کیا۔

نوٹس میں کہا گیا کہ یہ اینگرو کارپوریشن لمیٹڈ کے 4 اپریل 2024 کے خط کے بارے میں ہے جس میں اینگرو انرجی لمیٹڈ (ای ای ایل) نے لبرٹی پاور ہولڈنگز لمیٹڈ کے ساتھ شیئر خریداری معاہدہ کرنے اور دیگر پارٹیز کے ساتھ مل کر ای پی کیو ایل میں اپنی 68.9 فیصد شیئر ہولڈنگ کی فروخت کا ارادہ ظاہر کیا جس کا عوامی اعلان 3 دسمبر 2024 کو کیا گیا تھا۔

کمپنی نے کہا کہ خریداروں نے 3 اپریل 2025 کو اپنا عوامی اعلان واپس لے لیا، جس میں اینگرو انرجی لمیٹڈ (ای ای ایل) پر مبینہ طور پر معاہدے کی خلاف ورزی کا الزام لگا کر شیئر خریداری معاہدہ (ایس پی اے) کو ختم کرنے کا دعویٰ کیا گیا تھا۔

اس حوالے سے کمپنی نے مطلع کیا کہ اینگرو انرجی لمیٹڈ (ای ای ایل) نے خریداروں کو تحریری طور پر آگاہ کیا کہ وہ ای پی کیو ایل ایس پی اے کے تحت کسی بھی قسم کی مادی خلاف ورزی کے تمام الزامات کو قطعی طور پر مسترد اور چیلنج کرتی ہے۔

کمپنی نے کہا کہ مبینہ مادی خلاف ورزی - جس میں یہ کہا گیا کہ ای پی کیو ایل نے حکومتِ پاکستان اور سی پی پی اے-جی کے ساتھ اپنے ذاتی مفاد میں ترمیمی معاہدہ کیا - بے بنیاد ہے، یہ معاہدہ قومی مفاد میں کیا گیا تھا۔

ای ای ایل نے کہا کہ خریداروں کو مذاکرات کا براہ راست علم تھا کیونکہ لبرٹی نے بھی حکومتِ پاکستان اور سی پی پی اے-جی کے ساتھ 2002 پاور پالیسی کے تحت دیگر آئی پی پیز کے ساتھ ایک ایسے ہی معاہدے پر دستخط کئے تھے۔

ای ای ایل نے کہا کہ ہم نے خریدار کی غلط اور بے بنیاد ای پی کیو ایل ایس پی اے کی منسوخی اور ارادے کے عوامی اعلان کی واپسی کو مسترد کردیا ہے۔ انہوں نے مزید کہا کہ ای پی کیو ایل ایس پی اے کی شرائط کے مطابق، فریقین کو طے شدہ مدت کی تاریخ یعنی 4 اپریل 2025 سے پہلے مشترکہ شرائط پوری کرنی تھیں۔

چونکہ طے شدہ مشترکہ شرائط کی منظوری طویل مدت کی تاریخ تک حاصل نہیں کی جاسکی، ای ای ایل نے 5 اپریل 2025 سے فوری طور پر ای پی کیو ایل ایس پی اے کو منسوخ کرنے کا فیصلہ کیا ہے۔

اس منسوخی کو ای ای ایل کے حقوق کے مطابق نافذ کیا جارہا ہے، جو ای پی کیو ایل ایس پی اے کے تحت طے شدہ شرائط کی عدم تکمیل کی وجہ سے 4 اپریل 2025 کی طے شدہ آخری تاریخ تک پوری نہیں کی جاسکیں۔

گزشتہ سال اپریل میں، ای ای ایل نے اپنی تھرمل انرجی اثاثوں کے پورٹ فولیو کی فروخت کے لیے لبرٹی پاور ہولڈنگ (پرائیویٹ) لمیٹڈ اور کنسورشیم کے ساتھ ایس پی اے میں داخلہ کیا تھا۔

کنسورشیم ماسٹر گروپ آف انڈسٹریز کے ذریعے لبرٹی ملز لمیٹڈ، سورتی انٹرپرائزز اور پروکون انجینئرنگ پر مشتمل تھا۔