دوسرا ٹیسٹ: پاکستان کے خلاف سری لنکن بیٹرز دباؤ کا شکار، 7 کھلاڑی پویلین لوٹ گئے
- رضا اللہ نے 3 وکٹیں جب کہ محمد عباس نے دو وکٹیں حاصل کیں
پاکستان اور سری لنکا کے درمیان دوسرا ٹیسٹ میچ جاری ہے۔
دوسرے ٹیسٹ میچ کے پہلے روز کے آغاز میں ہی پاکستانی بولرز نے سری لنکن ٹاپ آرڈر کو پویلین پہنچادیا۔
تفصیلات کے مطابق پاکستان نے سری لنکا کے خلاف ٹاس جیت کر پہلے بولنگ کرنے کا فیصلہ کیا۔
قومی بولرز نے شاندار بولنگ کرتے ہوئے سری لنکا کے 7 کھلاڑی آؤٹ کردیے ہیں۔
پسیندوسوریابندارا 2، دنیش چندی مل 7 رن بناکر آؤٹ ہوئے جبکہ کمندومینڈس 8، لاہیروادار 4، ملن رتھنایاکا صفر اور دھننیجا ڈی سلوا ایک رن بنا کر پویلین لوٹے، کوشال مینڈس 32 رنز بنا کر آؤٹ ہوئے۔
پاکستان کی جانب سے رضا اللہ نے 3 وکٹیں محمد عباس نے دو وکٹیں جبکہ ثاقب خان اور عامر جمال نے ایک وکٹ حاصل کی۔
ٹاس کے موقع پر قومی ٹیم کے کپتان بابر اعظم نے کہا کہ ٹیم میں ایک تبدیلی کی گئی ہے اور چار فاسٹ بولرز کے ساتھ میدان میں اتریں گے۔
بابر اعظم کا کہنا تھا کہ حریف ٹیم پر دباؤ بڑھانے کی کوشش کی جائے گی۔
پاکستان کی پلیئنگ الیون میں عرفات منہاس کی جگہ آل راؤنڈر عامر جمال کو شامل کیا گیا ہے۔
واضح رہے کہ پاکستان اور سری لنکا کے درمیان سیریز کا پہلا ٹیسٹ میچ ڈرا ہوگیا تھا۔





















Comments