پرتگال کے ہیڈ کوچ جارج جیسس کی جانب سے تعلقات میں کشیدگی کے اعتراف کے کچھ ہی دیر بعد کرسٹیانو رونالڈو اچانک کوپن ہیگن میں جاری قومی ٹیم کا ٹریننگ کیمپ چھوڑ کر روانہ ہو گئے، جس سے ان کے بین الاقوامی کیریئر پر سوالیہ نشان لگ گیا ہے۔
41 سالہ رونالڈو کا یہ فیصلہ ڈنمارک کے خلاف نیشنز لیگ میچ سے ایک روز قبل سامنے آیا۔ انہوں نے انسٹاگرام پر بتایا کہ کوچ کی پریس کانفرنس اور پرتگالی فٹبال فیڈریشن کے صدر سے بات چیت کے بعد انہوں نے یہ قدم اٹھایا، جبکہ وجوہات کا انکشاف وہ مناسب وقت پر کریں گے۔
فیڈریشن نے رونالڈو کی روانگی کی تصدیق کرتے ہوئے کہا کہ باقی 24 کھلاڑیوں کے ساتھ ڈنمارک اور ناروے کے خلاف میچز کی تیاریاں شیڈول کے مطابق جاری رہیں گی۔
فیڈریشن کا کہنا تھا کہ پوری ٹیم آئندہ میچز اور اہداف کے حصول پر مکمل توجہ مرکوز کیے ہوئے ہے۔
Comments