نیٹو سربراہی اجلاس میں شرکت کیلئے ٹرمپ انقرہ پہنچ گئے

امریکی صدر ڈونلڈ ٹرمپ نیٹو سربراہی اجلاس میں شرکت کے لیے منگل کو انقرہ پہنچ گئے، جہاں وہ ترک ہم منصب رجب طیب اردوان سے صدارتی محل میں اہم مذاکرات کریں گے۔

ایران کے ساتھ جنگ پر یورپ کے ردعمل سے ناراض امریکی صدر کو منانے کے لیے نیٹو اتحادیوں نے اربوں ڈالر کے نئے اسلحہ کے معاہدوں اور دفاعی بجٹ میں اضافے کو پیش کرنا شروع کر دیا ہے۔

صدر ٹرمپ قطر کی جانب سے تحفے میں دیے گئے نئے ایئر فورس ون طیارے کے ذریعے انقرہ پہنچے، جہاں ہوائی اڈے پر صدر اردوان نے ان کا استقبال کیا۔ یہ سربراہی اجلاس ایسے وقت میں ہو رہا ہے جب ایک سال قبل امریکی دباؤ پر نیٹو اراکین نے دفاعی اخراجات جی ڈی پی کے 5 فیصد تک بڑھانے کا عہد کیا تھا۔ نیٹو چیف مارک رُٹے کا کہنا ہے کہ یورپی ممالک اب اپنے فوجی بجٹ کو مضبوط کر رہے ہیں۔