ران کی تکلیف برقرار، اطالوی ٹینس اسٹار لورینزو موساتی ومبلڈن سے دستبردار

اٹلی کے ٹینس اسٹار لورینزو موساتی ران کی انجری کے باعث ومبلڈن ٹینس ٹورنامنٹ سے دستبردار ہو گئے ہیں۔

سابق ورلڈ نمبر 5 اسی تکلیف کی وجہ سے اس سے قبل فرینچ اوپن میں بھی شرکت نہیں کر سکے تھے۔2024 میں ومبلڈن کے سیمی فائنل تک رسائی حاصل کرنے والے 24 سالہ موساتی مئی کے وسط میں اٹالین اوپن کے چوتھے راؤنڈ میں کیسپر روڈ سے ہارنے کے بعد سے اب تک کورٹ میں نہیں اترے ہیں۔

موساتی نے انسٹاگرام پر مداحوں کو آگاہ کرتے ہوئے لکھا کہ میری بحالی کا عمل بہت اچھا چل رہا ہے، لیکن چونکہ میں نے ابھی تک مکمل ٹریننگ کا آغاز نہیں کیا، اس لیے ہم نے بوجھل دل کے ساتھ یہ فیصلہ کیا ہے کہ میں اس سال ومبلڈن میں حصہ نہیں لے سکوں گا۔ یہ ایک مشکل لیکن درست فیصلہ ہے۔