پاکستان اور ایشیائی انفرااسٹرکچر انویسٹمنٹ بینک نے این-5 ہائی وے کی تعمیر نو کے لیے 320 ملین ڈالر کے قرضے پر دستخط کر دیے

پاکستان اور ایشیائی انفرااسٹرکچر انویسٹمنٹ بینک (اے آئی آئی بی ) نے منگل کو این-5 قومی شاہراہ کے اہم حصوں کی تعمیر نو کے لیے 320.16 ملین ڈالر کے قرضے پر دستخط کردیے، یہ منصوبہ ملک کے ”مضبوط بحالی فریم ورک“ کے تحت مکمل کیا جا رہا ہے۔

اقتصادی امور کی ڈویژن ( ای اے ڈی) کے جاری کردہ پریس ریلیز کے مطابق یہ مالیاتی معاہدہ ”این-5 قومی شاہراہ کی تعمیر نو، پاکستان کے مضبوط بحالی، بحالی اور تعمیر نو فریم ورک پروجیکٹ کے تحت، فیز-IA“ سے متعلق ہے۔

یہ منصوبہ این-5 شاہراہ کے اہم حصوں کو شامل کرتا ہے جو سندھ، پنجاب اور خیبر پختونخوا سے گزرتی ہے، جو ملک کے بڑے اقتصادی مراکز کو آپس میں جوڑنے والا ایک اہم ٹرانسپورٹ کوریڈور ہے۔

یہ معاہدہ سیکرٹری اقتصادی امور ڈویژن محمد حمیر کریم قدوائی اور ایشیائی انفرااسٹرکچر انویسٹمنٹ بینک ( اے آئی آئی بی ) کے چیف انویسٹمنٹ آفیسر کونسٹانٹن لیمیٹوسکی نے وفاقی وزیر برائے اقتصادی امور احد خان چیمہ کی موجودگی میں دستخط کیا۔

ایشیائی انفرااسٹرکچر انویسٹمنٹ بینک اور نیشنل ہائی وے اتھارٹی کے درمیان ایک الگ منصوبے کے معاہدے پر بھی دستخط کئے گئے ہیں۔

تقریب سے خطاب کرتے ہوئے وفاقی وزیر برائے اقتصادی امور احد چیمہ نے کو پاکستان کا ایک قابلِ اعتماد ترقیاتی شراکت دار قرار دیتے ہوئے کہا کہ این-5 منصوبہ موسمیاتی تبدیلی کے خلاف مزاحم انفراسٹرکچر کو مضبوط بنانے کے ساتھ علاقائی رابطہ، تجارتی سرگرمیوں اور اقتصادی ترقی کو فروغ دے گا۔

سیکرٹری اقتصادی امور محمد حمیر کریم قدوائی نے کہا کہ یہ منصوبہ پاکستان اور کے درمیان تعاون کو مزید گہرا کرے گا اور ملک کے پائیدار انفرااسٹرکچر نیٹ ورک کی حمایت کرے گا۔ انہوں نے کہا کہ ”این-5 کوریڈور انتہائی اہمیت کا حامل ہے کیونکہ یہ پاکستان کے اہم علاقوں کو جوڑتا ہے، علاقائی رابطے کو بڑھاتا ہے، پائیدار انفراسٹرکچر کو مضبوط کرتا ہے اور ملک بھر میں اقتصادی ترقی کی حمایت کرتا ہے۔“

کے چیف انویسٹمنٹ آفیسر کونستانٹن لیمیٹوسکی نے این-5 منصوبے کی اسٹریٹجک اہمیت کو اجاگر کرتے ہوئے کہا کہ یہ ایک بین الاقوامی ٹرانسپورٹ کوریڈور کا حصہ ہے۔ انہوں نے مزید کہا کہ تعمیر نو کے کام میں جدید، گرین اور موسمیاتی تبدیلی کے خلاف مزاحم ڈیزائن کے معیار شامل کیے جائیں گے تاکہ پائیداری اور طویل مدتی مضبوطی کو یقینی بنایا جا سکے۔

اقتصادی امور کی ڈویژن نے کہا کہ یہ معاہدہ پاکستان-اے آئی آئی بی تعاون میں ایک اور سنگِ میل کی حیثیت رکھتا ہے اور دونوں جانب کے پائیدار انفرااسٹرکچر کی ترقی اور اقتصادی نمو کے عزم کو ظاہر کرتا ہے۔