ایران کوئی دلدل نہیں، امریکی وزیر کا تہران کے خلاف جنگ کا دفاع کرتے ہوئے دعویٰ

امریکی وزیر دفاع پیٹ ہیگستھ نے بدھ کو کانگریس میں ایران پر جاری جنگ کا دفاع کرتے ہوئے کہا ہے کہ یہ کوئی دلدل نہیں، اور اس غیر مقبول تنازع پر تنقید کرنے والے ڈیموکریٹک قانون سازوں کو ”بے حوصلہ اور شکست پسند“ قرار دیا۔

ہیگستھ نے ہاؤس آرمد سروسز کمیٹی کے سامنے کہا کہ ” آپ اسے دلدل کہتے ہیں اور اپنے دشمنوں کو پروپیگنڈہ تھما رہے ہیں؟ اس بیان پر آپ کو شرم آنی چاہیے۔“

انہوں نے کانگریس کے ڈیموکریٹس پر تنقید کرتے ہوئے کہا کہ وہ ” لاپرواہ، بے اثر اور مایوس کن رویہ رکھنے والے“ ہیں، جو ملک کی سلامتی اور بین الاقوامی موقف کے لیے خطرہ ہیں۔

ہیگستھ کا کہنا تھا کہ ایران پر جنگ میں امریکی فوج کی موجودگی اور حکمت عملی کسی دلدل کی صورت نہیں اختیار کر رہی، اور یہ اقدامات خطے میں استحکام اور امریکہ کے مفادات کی حفاظت کے لیے ضروری ہیں۔