ملائیشین پام آئل کونسل نے جمعہ کو کہا ہے کہ ملائیشیا میں خام پام آئل کی قیمتیں مستقبل قریب میں 4,500 رنگٹ (1,134 ڈالر) فی میٹرک ٹن سے اوپر رہنے کی توقع ہے۔
کونسل کے مطابق قیمتوں میں اس استحکام کی وجہ بائیو ڈیزل کی بہتر اقتصادیات، خام تیل کی بڑھتی ہوئی قیمتیں اور ایل نینو موسمی اثرات کے ممکنہ امکانات ہیں۔
تاہم کونسل کا کہنا ہے کہ اہم درآمدی ممالک میں مہنگائی اور کمزور اقتصادی ترقی کے باعث برآمدی طلب میں کمی کا امکان ہے جس کی وجہ سے پام آئل کی قیمتیں ایک خاص حد سے اوپر نہیں جا سکیں گی۔
Comments