فلپ مورس نے پاکستان میں زیڈ وائی این نیکوٹین پاؤچز کی پیداوار شروع دی

فلپ مورس (پاکستان) لمیٹڈ (پی ایم پی کے ایل) نے پاکستان میں دھوئیں سے پاک مستقبل کے لیے ٹوبیکو فری نیکوٹین پاؤچز، زیڈ وائی این کی مقامی پیداوار کا آغاز کردیا، جو کمپنی کی ساہیوال میں واقع جدید ترین فیکٹری میں تیار ہوں گے۔

صحافیوں کے ایک وفد نے فیکٹری کا دورہ کیا اور آپریشنز ٹیم کے ساتھ ملاقات کی، تاکہ پی ایم پی کے ایل کے پاکستان میں عملی اقدامات اور مینوفیکچرنگ کے طریقہ کار کا جائزہ لیا جا سکے۔

اس موقع پر انہیں کمپنی کی ذمہ دارانہ مینوفیکچرنگ پریکٹسز ، سگریٹ اور نیکوٹین پاؤچز کی پیداوار کے معیار، ماحولیاتی نگرانی کے نظام، فائر پریونشن انفراسٹرکچر، اور پانی و ماحولیاتی پائیداری کے اقدامات کے بارے میں بھی بریفنگ دی گئی۔

دورے کے دوران صحافیوں نے مشاہدہ کیا کہ کمپنی ٹیکنالوجی اور خودکار پروڈکشن لائنز کے ذریعے معیار اور ملازمین کی حفاظت کے عالمی معیارات پر عمل کر رہی ہے۔

پی ایم پی کے ایل دھوئیں سے پاک مصنوعات کے ذریعے پاکستان میں تمباکو کے نقصان کو کم کرنے کے لیے اقدامات کر رہا ہے، جو کمپنی کے والدین ادارے فلپ مورس انٹرنیشنل (پی ایم آئی ) کے عالمی وژن کے مطابق ہے۔

پی ایم پی کے ایل کے ڈائریکٹر مینوفیکچرنگ نے کہا کہ زیڈ وائی این کی مقامی پیداوار ہمارے تبدیلی کے سفر میں اہم قدم ہے۔

سگریٹ چھوڑنا سب سے بہتر انتخاب ہے، لیکن جو لوگ ایسا نہیں کر سکتے، ان کے لیے یہ متبادل بہتر اور ذمہ دار انتخاب فراہم کرتا ہے۔

یہ مصنوعات خطرہ سے پاک نہیں اور نشہ آور ہیں، لیکن بالغ صارفین کے لیے سگریٹ جاری رکھنے کے مقابلے میں بہتر انتخاب ہیں۔