BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)

اسٹیٹ بینک آف پاکستان کی مانیٹری پالیسی کمیٹی نے متوقع طور پر شرح سود 11 فیصد کی موجودہ سطح پر برقرار رکھنے کا فیصلہ کیا ہے۔ کمیٹی نے پیر کو گورنر اسٹیٹ بینک جمیل احمد کی صدارت میں مرکزی دفتر میں اجلاس منعقد کیا، جس میں حالیہ تباہ کن سیلاب کے معیشت پر مرتب ہونے والے قلیل المدتی اثرات پر غور کیا گیا۔

مانیٹری پالیسی بیان کے مطابق مالی سال 2025-26 میں جی ڈی پی کی شرح نمو 3.25 سے 4.25 فیصد کے ہدفی دائرے کی نچلی سطح کے قریب رہنے کا امکان ہے، جبکہ افراطِ زر عارضی طور پر 5 سے 7 فیصد کی ہدفی حد سے اوپر جا سکتا ہے، تاہم توقع ہے کہ مالی سال 2026-27 میں یہ دوبارہ ہدفی دائرے میں آ جائے گا۔ کرنٹ اکاؤنٹ خسارہ جی ڈی پی کے ایک فیصد کے اندر رہنے کا امکان ہے۔

کمیٹی نے کہا کہ اگرچہ معیشت پہلے کے مقابلے میں سیلاب کے منفی اثرات برداشت کرنے کے لیے زیادہ مستحکم ہے، تاہم زرعی شعبے پر سیلاب کے اثرات سے قلیل مدتی مہنگائی کے امکانات بڑھ گئے ہیں، خاص طور پر خوراک کی قیمتوں میں اضافہ۔ اس کے باوجود توانائی ٹیرف میں حالیہ رعایت کچھ دباؤ کو کم کرے گی۔

بیان میں کہا گیا کہ افراطِ زر کے منظرنامے کو سیلاب کے اثرات، عالمی اجناس کی قیمتوں میں اتار چڑھاؤ اور توانائی کے نرخوں میں غیر متوقع ردوبدل جیسے خطرات لاحق ہیں۔ تاہم موجودہ حقیقی شرح سود کو مہنگائی کو درمیانی مدت میں 5 سے 7 فیصد کی حد میں رکھنے کے لیے کافی سمجھا جا رہا ہے۔

کمیٹی کے مطابق جولائی اور اگست میں افراطِ زر بالترتیب 4.1 اور 3 فیصد رہا، لیکن حساس قیمتوں کے اشاریے میں سبزیوں، گندم اور دیگر اجناس کی قیمتوں میں نمایاں اضافہ ریکارڈ ہوا۔ دوسری طرف، بڑی صنعتوں کی پیداوار (ایل ایس ایم) مالی سال 2025 کی آخری سہ ماہی میں 3 فیصد بڑھی، جو پچھلے تین سہ ماہیوں میں کمی کے بعد بہتری کی علامت ہے۔

سیلاب کے نتیجے میں خریف کی فصلوں کو نقصان ہوا ہے جبکہ ربیع کی فصلوں کے لیے بہتر امکانات ظاہر کیے گئے ہیں۔ اسٹیٹ بینک کے زرمبادلہ کے ذخائر 14.3 ارب ڈالر پر مستحکم رہے ہیں اور دسمبر 2025 تک 15.5 ارب ڈالر تک پہنچنے کی توقع ہے۔

فنانس کے محاذ پر، ایف بی آر کی محصولات میں جولائی اور اگست میں سالانہ 14 فیصد سے زائد اضافہ ہوا، جبکہ اسٹیٹ بینک کے 2.4 کھرب روپے منافع اور پٹرولیم لیوی سے حکومت کو خاطر خواہ سرپلس حاصل ہوا۔ تاہم، سیلابی اخراجات اور محصولات میں کمی کے خدشات برقرار ہیں۔

مانیٹری پالیسی کمیٹی نے زور دیا کہ ٹیکس بیس بڑھانے اور خسارے میں چلنے والے سرکاری اداروں کی اصلاحات جاری رکھی جائیں تاکہ معاشی جھٹکوں کے اثرات کو کم کیا جا سکے اور پائیدار ترقی کے لیے مزید گنجائش پیدا ہو۔

کاپی رائٹ بزنس ریکارڈر، 2025

Comments

Comments are closed.