سیفائر فائبرز لمیٹڈ کا رفحان میز میں اکثریتی حصص کے حصول کا منصوبہ

سیفائر فائبرز لمیٹڈ نے رفحان میز پروڈکٹس کمپنی لمیٹڈ (آر ایم پی ایل) کے 69,91,052 ووٹنگ شیئرز (جو کمپنی کے کل ادا شدہ سرمایہ کا 75.69 فیصد ہیں) حاصل کرنے کی خواہش کا اظہار کیا ہے۔ یہ بات رفحان میز نے جمعہ کے روز پاکستان اسٹاک ایکسچینج کو جاری کردہ ایک نوٹس میں بتائی۔

نوٹس میں کہا گیا کہ یہ اطلاع دی جاتی ہے کہ رفحان میز پروڈکٹس کمپنی لمیٹڈ کو سیفائر فائبرز لمیٹڈ کی جانب سے ٹارگٹ کمپنی کے 6,991,052 ووٹنگ شیئرز (جو ادا شدہ سرمایہ کا 75.69 فیصد ہیں) حاصل کرنے کا پختہ ارادہ موصول ہوا ہے۔

کمپنی نے بتایا کہ اس ارادے سے 16 مئی 2025 کو رفحان میز کے بورڈ آف ڈائریکٹرز کو آگاہ کیا گیا۔

نوٹس میں مزید کہا گیا کہ سیکورٹیز ایکسچینج سے درخواست ہے کہ ریگولیشن 5(1) کے تحت نوٹس بورڈ پر آویزاں کرنے اور اطلاع کے ذریعے اس اطلاع کو رفحان میز کے شیئر ہولڈرز تک فوراً پہنچایا جائے۔

رفحان میز نے پاکستان میں 1953 میں کارن ریفائننگ صنعت کے طور پر کام کا آغاز کیا۔ وقت کے ساتھ یہ کمپنی پاکستان کی سب سے بڑی زرعی صنعتوں میں شامل ہو چکی ہے۔

یہ کمپنی مکئی کو خام مال کے طور پر استعمال کرتے ہوئے کئی اقسام کی خوراک کے اجزاء اور صنعتی مصنوعات تیار کرتی ہے۔ اس کی اہم مصنوعات میں صنعتی نشاستہ جات، لیکوئڈ گلوکوز، ڈیکسٹروز، ڈیکسٹرن اور گلوٹن میلز شامل ہیں۔