لکی کور انڈسٹریز نے اسٹاک اسپلٹ کی تجویز دیدی، ایک کے بدلے 5 شیئر ملیں گے

لکی کور انڈسٹریز (ایل سی آئی) نے اسٹاک ایکسچینج کو اطلاع دی ہے کہ اس کی بورڈ آف ڈائریکٹرز نے شیئر ہولڈرز کی منظوری سے مشروط حصص کی سب ڈویژن کا منصوبہ پیش کیا ہے۔

منگل کو جاری کیے گئے نوٹس میں کہا گیا کہ یہ اطلاع دی جاتی ہے کہ سرمایہ کاروں کی رسائی اور شرکت کو بہتر بنانے کے لیے لکی کور انڈسٹریز لمیٹڈ کے بورڈ آف ڈائریکٹرز نے کمپنی کے حصص کی قیمت کی سب ڈویژن کی منظوری دی ہے، جو شیئر ہولڈرز کی منظوری سے مشروط ہے۔

منصوبے کے مطابق، ہر عام حصے کی قیمت کو 10 روپے سے کم کر کے 2 روپے فی حصے تک کر دیا جائے گا۔

اس کے نتیجے میں کمپنی کا سبسکرائب اور ادا شدہ سرمایہ، جو فی الحال 92,359,050 عام حصص پر مشتمل ہے جو 10 روپے کے ہیں، 461,795,250 عام حصص میں تبدیل ہو جائے گا جو 2 روپے کے ہوں گے۔

کمپنی نے کہا کہ اسٹاک اسپلٹ کے بعد، شیئر ہولڈرز کو ہر ایک 10 روپے کے حصے کے بدلے 2 روپے کے پانچ حصے ملیں گے۔

اس ضمن میں، ایک غیر معمولی جنرل میٹنگ منعقد کی جائے گی تاکہ مذکورہ بالا معاملات کے لیے شیئر ہولڈرز کی منظوری حاصل کی جا سکے۔“

اعلان کے بعد، لکی کور انڈسٹریز کے حصص کی قیمت میں 69.98 روپے یعنی 4.79 فیصد کا اضافہ ہوا اور اس وقت حصص کی قیمت 1,530 روپے فی حصے کے قریب تھی۔

لکی کور انڈسٹریز 1953 میں پاکستان میں پبلک لمیٹڈ کمپنی کے طور پر ”کھیوڑہ سوڈا ایش کمپنی“ کے نام سے قائم ہوئی تھی۔

1966 میں، فلر پینٹس لمیٹڈ کے حصول کے بعد کمپنی نے اپنا نام ”آئی سی آئی پاکستان مینوفیکچررز لمیٹڈ“ رکھ لیا تھا۔ بعد میں، ”امپیریل کیمیکلز (پرائیویٹ) لمیٹڈ“ کو بھی اس کمپنی میں ضم کیا گیا۔

2012 میں، لکی ہولڈنگز لمیٹڈ نے اکزو نوبل سے کمپنی میں اکثریتی حصص خریدے اور ایل سی آئی کی ہولڈنگ کمپنی بن گئی۔

دسمبر 2022 میں کمپنی کا نام ”آئی سی آئی پاکستان لمیٹڈ“ سے تبدیل کر کے ”لکی کور انڈسٹریز لمیٹڈ“ رکھ لیا گیا۔ اس کے بعد کمپنی نے سرین فارماسیوٹیکلز لمیٹڈ، ویتھ پاکستان لمیٹڈ اور فائزر پاکستان لمیٹڈ کے حصول کی اہم کارروائیاں کیں۔

کمپنی پانچ مختلف کاروباروں میں ملوث ہے، جن میں سوڈا ایش، پالیئسٹر، کیمیکلز اور زرعی سائنس، فارماسیوٹیکلز اور اینیمل ہیلتھ شامل ہیں۔