امریکہ اور چین کا باہمی تجارتی ٹیرِف میں عارضی کمی پر اتفاق

امریکہ اور چین نے اعلان کیا ہے کہ انہوں نے باہمی تجارتی ٹیرِف میں وقتی طور پر کمی کرنے پر اتفاق کر لیا ہے کیونکہ دنیا کی دو بڑی معیشتیں اس تجارتی جنگ کا خاتمہ چاہتی ہیں جس نے عالمی معیشت کی صورتحال کو متاثر کیا اور مالیاتی منڈیوں کو غیر یقینی صورتحال سے دوچار کر دیا ہے۔

جنیوا میں چینی حکام سے مذاکرات کے بعد گفتگو کرتے ہوئے امریکی وزیر خزانہ اسکاٹ بیسنٹ نے صحافیوں کو بتایا کہ دونوں فریقین نے اقدامات پر 90 دن کے وقفے پر اتفاق کیا ہے اور ٹیرف میں 100 فیصد سے زائد کمی کرکے انہیں 10 فیصد تک لایا جائے گا۔

بیسنٹ نے کہا کہ دونوں ممالک نے اپنے قومی مفادات کی بھرپور نمائندگی کی۔

ہم دونوں کا مفاد متوازن تجارت میں ہے اور امریکہ اس سمت میں پیش رفت جاری رکھے گا۔

بیسنٹ ہفتہ وار مذاکرات کے بعد امریکی تجارتی نمائندے جیمی میسن گیر کے ساتھ گفتگو کر رہے تھے جس میں دونوں فریقوں نے اختلافات کو کم کرنے میں پیش رفت کی تعریف کی۔

جنیوا کی ملاقاتیں امریکہ اور چین کے سینئر اقتصادی حکام کے درمیان پہلی براہ راست بات چیت تھیں، جو امریکی صدر ڈونلڈ ٹرمپ کے دوبارہ اقتدار میں آنے اور عالمی سطح پر ٹیرف کے نفاذ کی مہم شروع کرنے کے بعد ہوئیں، جس میں خاص طور پر چین پر بھاری محصولات عائد کیے گئے۔

جنوری میں عہدہ سنبھالنے کے بعد، ٹرمپ نے چین سے آنے والی اشیاء پر امریکی درآمد کنندگان کے لیے ٹیرف کو 145فیصد تک بڑھا دیا، اس کے علاوہ انہوں نے اپنی پہلی مدت میں چین کی بہت سی اشیاء پر عائد کردہ محصولات اور بائیڈن انتظامیہ کے ذریعے عائد کردہ محصولات بھی شامل ہیں۔

چین نے جواباً کچھ نایاب زمین کے عناصر کی برآمدات پر پابندیاں عائد کر دیں، جو امریکی ہتھیاروں اور الیکٹرانک صارفین کی مصنوعات کے تیار کنندگان کے لیے انتہائی اہم ہیں، اور اس کے ساتھ ساتھ امریکی مصنوعات پر ٹیرف کو 125 فیصد تک بڑھا دیا۔

ٹیرف تنازع نے دو طرفہ تجارت میں تقریباً 600 ارب ڈالر کا لین دین معطل کر دیا جس سے سپلائی چینز متاثر ہوئیں۔

مالیاتی منڈیاں تجارتی جنگ میں کسی ممکنہ نرمی کے آثار تلاش کررہی تھیں اور پیر کو وال اسٹریٹ اسٹاک فیوچرز میں اضافہ ہوا جبکہ ڈالر نے محفوظ پناہ گاہ کے کرنسیوں کے مقابلے میں مضبوطی حاصل کی، کیونکہ بات چیت نے عالمی کساد بازاری کے خدشات کو کم کرنے کی امیدوں کو تقویت دی ہے۔