پاکستان کی سفائر ٹیکسٹائل برطانوی آر ٹی ایس ٹیکسٹائل میں حصص حاصل کریگی

ملک کے معروف ٹیکسٹائل مینوفیکچررز میں سے ایک سیفائر ٹیکسٹائل ملز لمیٹڈ ورک ویئر فیبرکس میں مہارت رکھنے والی برطانیہ کی کمپنی آر ٹی ایس ٹیکسٹائل گروپ لمیٹڈ میں اسٹریٹجک سرمایہ کاری کے ذریعے اپنی بین الاقوامی موجودگی کو بڑھانے کے لئے تیار ہے۔

ٹیکسٹائل مل نے منگل کے روز پاکستان اسٹاک ایکسچینج (پی ایس ایکس) کو ایک نوٹس میں اس پیش رفت سے آگاہ کیا۔

سفائر ٹیکسٹائل ملز لمیٹڈ نے انگلینڈ اور ویلز میں شامل اور رجسٹرڈ کمپنی آر ٹی ایس ٹیکسٹائل گروپ لمیٹڈ میں اقلیتی حصص کے حصول کے لئے معاہدے کیے ہیں۔

آر ٹی ایس ٹیکسٹائل گروپ عالمی سطح پر ورک ویئر فیبرکس کی تیاری اور فروخت میں مہارت رکھتا ہے۔

ایس اے پی ٹی نے کہا کہ حصول معاہدوں کی شرائط سے مشروط ہے۔

کمپنی آر ٹی ایس ٹیکسٹائل گروپ لمیٹڈ کے حصص براہ راست یا ماتحت ادارے کے ذریعے حاصل کر سکتی ہے اور ٹرانزیکشن کی تکمیل ضروری کارپوریٹ اور ریگولیٹری منظوریوں کی وصولی سے مشروط ہے۔

توقع ہے کہ اسٹریٹجک شراکت داری کے نتیجے میں فریقین کے درمیان مینوفیکچرنگ، مارکیٹنگ اور تحقیق و ترقی میں ہم آہنگی پیدا ہوگی تاکہ صارفین کیلئے معیار میں اضافہ ہو اور پاکستان سے برآمدات میں اضافہ ہو۔

ایس اے پی ٹی سیفائر گروپ کی ایک فلیگ شپ کمپنی ہے۔ 1969 ء میں پبلک لمیٹڈ کمپنی کے طور پر قائم ہونے والی کمپنی آج 31.6 بلین روپے کی مارکیٹ کیپٹلائزیشن کی حامل ہے۔

یہ ٹیکسٹائل یونٹ سوتی دھاگے، کپڑے، اور گھریلو ٹیکسٹائل مصنوعات (اور حال ہی میں، بجلی کی پیداوار) تیار کرتا ہے. لسٹڈ ٹیکسٹائل کمپوزٹ سیکٹر کی فروخت میں اس کا 10 فیصد سے زیادہ حصہ ہے۔

سیفائر کے مینوفیکچرنگ یونٹس سندھ اور پنجاب میں ہیں۔