موجودہ حالات متوقع چیلنجز کے مطابق ہیں، شامی صدر

شام کے عبوری صدر احمد شرع نے اتوار کے روز کہا ہے کہ موجودہ حالات متوقع چیلنجز کے مطابق ہیں، اس دوران نئے حکمرانوں کی فورسز اور معزول صدر بشار الاسد کے علوی فرقے کے جنگجوؤں کے درمیان جھڑپیں جاری ہیں۔

سعودی عرب کے العربیہ ٹی وی سمیت عرب میڈیا کی جانب سے نشر کی جانے والی ایک ویڈیو میں احمد نے قومی اتحاد پر بھی زور دیا جس میں انہیں ایک مسجد میں خطاب کرتے ہوئے دکھایا گیا ہے۔

ا سیریئن آبزرویٹری فار ہیومن رائٹس نے ہفتے کے روز کہا ہے کہ ملک کے ساحلی علاقے میں دو روز سے جاری جھڑپوں میں ایک ہزار سے زائد افراد ہلاک ہو چکے ہیں۔