روس اور امریکہ کی توجہ اب جنگ نہیں امن پر مرکوز ہے، کریملن

کریملن نے اتوار کے روز کہا ہے کہ ولادیمیر پوٹن اور ڈونلڈ ٹرمپ کے درمیان ٹیلی فون پر ہونے والی بات چیت کی اہمیت یہ ہے کہ اب روس اور امریکہ جنگ کی بجائے امن کی بات کریں گے۔

کریملن کے ترجمان دمتری پیسکوف نے سرکاری ٹی وی کریملن کے نامہ نگار پاویل زاروبین کو اتوار کے روز جاری ہونے والی ایک کلپ میں بتایا کہ یہ ایک طاقتور اشارہ ہے کہ اب ہم مذاکرات کے ذریعے مسائل کو حل کرنے کی کوشش کریں گے۔

اب ہم جنگ کی نہیں بلکہ امن کی بات کریں گے۔

پیسکوف نے کہا کہ پوٹن اور ٹرمپ کے درمیان پہلی ملاقات موجودہ حالات کے تناظر میں خصوصی اہمیت کی حامل ہے۔ انہوں نے مزید کہا کہ مغربی پابندیاں روس اور امریکہ کے مذاکرات کو نہیں روکیں گی کیونکہ یہ پابندیاں جتنی جلدی عائد کی جائیں گی اتنی ہی تیزی سے ہٹائی بھی جا سکتی ہیں۔