تخفیف اسلحہ کے حوالے سے امریکا کی جانب سے کوئی مثبت قدم نظر نہیں آیا، روس

جنیوا میں اقوام متحدہ میں روس کے مستقل مندوب نے اتوار کے روز شائع ہونے والے ایک انٹرویو میں کہا کہ روس کو تخفیف اسلحہ کے بارے میں نئی امریکی انتظامیہ کی طرف سے ابھی تک کوئی مثبت قدم نظر نہیں آیا ہے۔

آر آئی اے نووستی کے مطابق، گینیڈی گیٹیلوف نے کہا، “ہم کسی بھی امریکی انتظامیہ کے ساتھ تعاون کے لئے تیار ہیں۔

ان کا کہنا تھا کہ ’ہم تخفیف اسلحہ کانفرنس کے فریم ورک کے اندر ایسا کرنے کے لیے تیار ہیں‘۔ اب تک ہمیں جنیوا میں اس سلسلے میں کوئی مثبت پیش رفت نظر نہیں آتی۔

یہ کانفرنس، تخفیف اسلحہ کا ایک بین الاقوامی فورم ہے جس کا اجلاس سوئٹزرلینڈ کے شہر میں ہوتا ہے، جس میں جوہری ہتھیاروں کے عدم پھیلاؤ سمیت متعدد بڑے کثیر الجہتی ہتھیاروں کی حد بندی اور تخفیف اسلحہ کے معاہدوں پر بات چیت کی گئی ہے۔

روس کے صدر ولادیمیر پیوٹن نے گزشتہ ماہ ڈونلڈ ٹرمپ کی بطور امریکی صدر حلف برداری کے بعد اشارہ دیا تھا کہ وہ ٹرمپ کی دوسری مدت کو امریکہ اور روس کے تعلقات میں ایک نئے دور کے موقع کے طور پر دیکھتے ہیں۔

گینیڈی گیٹیلوف نے کہا، “یقینا، ہم نئی امریکی انتظامیہ کے نمائندوں کے بیانات اور ابتدائی اقدامات پر گہری نظر رکھے ہوئے ہیں۔ ہم توقع کرتے ہیں کہ امریکی الفاظ سے عمل کی طرف بڑھیں گے، خاص طور پر جب انہوں نے 20 جنوری کے بعد سے بہت کچھ کہا ہے۔

ٹرمپ اور پوٹن دونوں نے کہا ہے کہ وہ ذاتی طور پر ملاقات کے خواہاں ہیں۔

امریکی صدر کا کہنا تھا کہ وہ یوکرین میں اس جنگ کو جلد از جلد ختم کر دیں گے جس کا آغاز روس نے تقریبا تین سال قبل بڑے پیمانے پر حملے کے ساتھ کیا تھا۔

گینیڈی گیٹیلوف نے کہا کہ جوہری ہتھیاروں پر قابو پانے اور وسیع تر سلامتی کے امور پر واشنگٹن کے ساتھ بات چیت دوبارہ شروع نہیں ہوئی ہے۔

نیو اسٹریٹیجک آرمز ریڈیکشن ٹریٹی یا نیو اسٹارٹ، جس میں امریکہ اور روس کی جانب سے نصب کیے جانے والے اسٹریٹجک نیوکلیئر وار ہیڈز کی تعداد اور ان کی فراہمی کے لیے زمینی اور آبدوز پر مبنی میزائلوں اور بمبار طیاروں کی تعیناتی 5 فروری 2026 کو ختم ہونے والی ہے۔

یہ دنیا کی دو سب سے بڑی جوہری طاقتوں کے درمیان جوہری ہتھیاروں کے کنٹرول کا آخری باقی ستون ہے۔