ایرانی سپریم لیڈر آیت اللہ خامنہ ای اہم تواریخ کے آئینے میں

آیت اللہ علی خامنہ ای 1989 سے ایران کے روحانی پیشوا اور اعلیٰ ترین سیاسی مقتدرہ رہے ہیں، جب انہوں نے آیت اللہ روح اللہ خمینی کے بعد سپریم لیڈر (رہبرِ اعلیٰ) کی ذمہ داری سنبھالی۔

ان کی زندگی کے اہم سنگ میل اور تواریخ پر ایک نظرڈالتے ہیں۔

17 جولائی 1939: خامنہ ای مشہد کے مقدس شہر میں پیدا ہوئے، ان کے والدین کا تعلق ایران کی آذری اقلیت سے تھا۔

1957: آیت اللہ روح اللہ خمینی سے ملاقات ہوئی، جو آگے چل کر ان کے لیے ایک کلیدی اثر و رسوخ رکھنے والی شخصیت ثابت ہوئے۔

1977: شاہِ ایران کی مخالفت کی وجہ سے کئی بار جیل کاٹنے کے بعد انہیں ایران شہر جلاوطن کر دیا گیا، جو پاکستان کی سرحد کے قریب ایک دور افتادہ صحرائی شہر ہے۔ وہ 1979 میں اسلامی انقلاب کے لیے مشہد واپس آئے۔

1979: ان کے اقتدار کی تیزی سے بلندی کا سفر تب شروع ہوا جب خمینی نے انہیں نائب وزیرِ دفاع اور بعد ازاں ایلیٹ پاسدارانِ انقلاب کا سربراہ نامزد کیا۔

1981: وہ اسلامی جمہوریہ کے صدر منتخب ہونے والے پہلے عالمِ دین بنے۔ 1985 میں وہ دوبارہ صدر منتخب ہوئے۔

27 جون 1981: تہران کی ایک مسجد میں کالعدم عوامی مجاہدین گروہ کے بم حملے میں بال بال بچے لیکن ان کا دایاں ہاتھ ہمیشہ کے لیے متاثر ہو گیا۔اس کے بعد انہوں نے بائیں ہاتھ سے لکھنا سیکھا۔

4 جون 1989: خمینی کے انتقال پر عراق کے ساتھ جنگ (1980-1988) ختم ہونے کے ٹھیک ایک سال بعد انہیں سپریم لیڈر منتخب کر لیا گیا۔

جنوری 2005: مصنف سلمان رشدی کے خلاف خمینی کے جاری کردہ سزائے موت کے فتوے کی توثیق کی۔

8 ستمبر 2014: ان کی صحت کے بارے میں دو دہائیوں سے جاری قیاس آرائیوں کے درمیان ان کے غدودِ مثانہ کی سرجری ہوئی۔

14 جولائی 2015: ایران کے ایٹمی پروگرام پر عالمی طاقتوں کے ساتھ ویانا معاہدے کی حمایت کی۔

17 جنوری 2020: 2012 کے بعد پہلی بار تہران میں جمعہ کے خطبے کی امامت کی۔ اس موقع کو انہوں نے حکومت مخالف مظاہروں کی مذمت کے لیے استعمال کیا۔

3 اکتوبر 2022: مہسا امینی کی موت کے بعد پھوٹنے والے ملک گیر ہنگاموں کا ذمہ دار امریکہ اور اسرائیل کو قرار دیا۔

13 تا 24 جون 2025: اسرائیل کے ساتھ 12 روزہ جنگ کے دوران جس میں امریکہ بھی مختصر طور پر شامل ہوا، روپوش رہے لیکن اس تنازع سے محفوظ باہر آئے۔

17 جنوری 2026: انہوں نے کہا کہ ایران کو فتنہ پروروں کی کمر توڑ دینی چاہیے کیونکہ علمی و مذہبی حکام اسلامی جمہوریہ کے خلاف گزشتہ تین سال کے سب سے بڑے مظاہروں کو بے رحمی سے کچل رہے تھے۔

28 فروری 2026: امریکہ اور اسرائیل کی جانب سے کیے گئے حملوں کی لہر میں شہید ہو گئے۔