محمد زوہیب خان ایسوسی او کے وائس چیئرمین اور بورڈ ممبر منتخب

پاکستان کی آئی ٹی صنعت کی معروف شخصیت اور پاکستان سافٹ ویئر ہاؤسز ایسوسی ایشن (پاشا) کے سابق چیئرمین محمد زوہیب خان کو ایشین اوشیانی کمپیوٹنگ انڈسٹری آرگنائزیشن (ایسوسی او) کا وائس چیئرمین اور بورڈ ممبر منتخب کرلیا گیا۔

پاکستان کے ساتھ ایسوسی او کے 25 سال سے زائد عرصے پر محیط تعلق کے دوران پہلی مرتبہ کسی پاکستانی کو تنظیم کے وائس چیئرمین اور بورڈ ممبر کی حیثیت حاصل ہوئی ہے۔

ایسوسی او ایشیا اور اوشیانا کی علاقائی آئی سی ٹی فیڈریشن ہے جس میں تقریباً 25 سے 26 ممالک اور معیشتوں کی قومی ٹیکنالوجی ایسوسی ایشنز شامل ہیں۔

تنظیم کا مقصد خطے کے ممالک کے درمیان ٹیکنالوجی کے شعبے میں سرحد پار تعاون، ڈیجیٹل پالیسی پر مکالمے اور آئی ٹی صنعت کی ترقی کو فروغ دینا ہےمحمد زوہیب خان کی اہم عہدے پر انتخاب کو پاکستان کی آئی ٹی صنعت کے لیے اہم اعزاز قرار دیا جارہا ہے۔