BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
مارکٹس

فیڈ چیف کا سخت مؤقف، سونے کی قیمت تقریباً دو ہفتوں کی کم ترین سطح پر آگئی

  • اسپاٹ گولڈ کی قیمت 0.8 فیصد کمی کے بعد 4,417.04 ڈالر فی اونس ہوگئی
شائع اپ ڈیٹ

سونے کی قیمت پیر کو گر کر تقریباً دو ہفتوں کی کم ترین سطح پر آ گئی جس کی وجہ امریکی فیڈرل ریزرو کے چیئرمین کیون وارش کا وہ اشارہ تھا جس میں انہوں نے کہا تھا کہ قیمتوں کے دباؤ (مہنگائی) کو کم کرنے کے لیے شرح سود میں اضافے کی ضرورت پڑسکتی ہے جبکہ مشرق وسطیٰ میں بڑھتی ہوئی کشیدگی نے مہنگائی کے خدشات کو مزید ہوا دی۔

اسپاٹ گولڈ کی قیمت 0406 جی ایم ٹی تک 0.8 فیصد کمی کے بعد 4,417.04 ڈالر فی اونس ہوگئی جو 19 اگست کے بعد اس کی کم ترین سطح ہے۔

جمعہ کو سونے کی قیمت میں 3 فیصد سے زائد کمی ہوئی تھی۔

امریکی گولڈ فیوچرز کی قیمت 1.4 فیصد کمی کے بعد 4,466.80 ڈالر فی اونس ہوگئی۔

جیکسن ہول میں وارش کے سخت گیر مؤقف کے بعد سونا اب بھی اس دھچکے سے سنبھلنے کی کوشش کر رہا ہے۔‘

کے سی ایم ٹریڈ کے چیف مارکیٹ تجزیہ کار ٹم واٹرر نے کہا کہ ایران میں امریکی فوجی کارروائی کے باعث تیل کی قیمتوں پر اضافے کا دباؤ پڑا ہے جس نے افراطِ زر کے تناظر میں سونے کی مشکلات میں مزید اضافہ کردیا ہے۔

اگرچہ سونے کو افراطِ زر کے خلاف تحفظ کا ذریعہ سمجھا جاتا ہے تاہم شرح سود میں اضافے کے ماحول میں عموماً اس کی کشش کم ہوجاتی ہے کیونکہ سونے پر کوئی سود حاصل نہیں ہوتا۔

وارش نے جمعہ کو جیکسن ہول اقتصادی سمپوزیم میں کہا کہ اگر پالیسی سازوں کو اس بات کا اطمینان نہ ہوا کہ افراطِ زر 2 فیصد کی جانب بڑھ رہا ہے تو فیڈرل ریزرو کو مزید اقدامات کرنا ہوں گے جس سے وہ پہلی بار اس بات کا اعتراف کرنے کے قریب پہنچے کہ شرح سود میں اضافہ ضروری ہوسکتا ہے۔

سی ایم ای فیڈ واچ ٹول کے مطابق مارکیٹس میں اس وقت ستمبر میں امریکی فیڈرل ریزرو کی جانب سے شرح سود میں اضافے کا امکان 60 فیصد دیکھا جارہا ہے۔

امریکی صدر ڈونلڈ ٹرمپ نے سوشل میڈیا پر دعویٰ کیا کہ ایران کا توانائی کا اہم مرکز ’خارگ آئی لینڈ‘ (خارگ جزیرہ) تباہ و برباد ہو رہا ہے۔ ان کا یہ بیان ان فورسز کی جانب سے ایک اور جزیرے پر دو راکٹ لانچرز کو نشانہ بنانے کے بعد سامنے آیا، جو جولائی کے آخر کے بعد سے ایران پر پہلی معروف امریکی سٹرائیکس (حملے) ہیں۔

تیل کی قیمتوں میں 2 فیصد سے زائد اضافہ ہوا۔

رواں ہفتے امریکا کی لیبر مارکیٹ سے متعلق متعدد رپورٹس جاری ہوں گی جن میں ملازمتوں کی خالی آسامیوں کے اعدادوشمار، اے ڈی پی روزگار رپورٹ، ہفتہ وار بے روزگاری الاؤنس کے دعوے اور نان فارم پے رولز کے اعدادوشمار شامل ہیں۔

واٹرر نے کہا کہ نان فارم پے رولز رپورٹ یا تو جیکسن ہول کے بعد سونے کی قیمتوں میں جاری کمزوری کو مزید بڑھا سکتی ہے یا شارٹ پوزیشنز ختم کیے جانے کے باعث قیمتوں میں عارضی تیزی کا محرک بن سکتی ہے۔

اسپاٹ سلور کی قیمت 0.4 فیصد کمی سے 66.10 ڈالر فی اونس، پلاٹینم 1.3 فیصد کمی سے 1,797.03 ڈالر اور پلیڈیم 2.5 فیصد کمی سے 1,386.96 ڈالر فی اونس ہوگیا۔

بی ایم آئی نے کہا کہ چاندی کی قیمتیں موجودہ سطح کے آس پاس رہنے کا امکان ہے، جسے مستحکم سرمایہ کاری طلب اور کانوں سے محدود رسد کا سہارا حاصل رہے گا جبکہ فزیکل مارکیٹ میں قلت میں کمی اور طلب میں نرمی مزید اضافے کے امکانات محدود رکھے گی۔

Comments

200 حروف