یورپی ایئرلائنز کی جانب سے گزشتہ سال ماحول دوست ایندھن کا 2 فیصد ہدف حاصل ہونے کا امکان، ذرائع

یورپی ہوائی بازی کے شعبے نے 2025 میں ماحول دوست ایندھن (ایس اے ایف) کے استعمال کا 2 فیصد ہدف نہ صرف حاصل کر لیا ہے بلکہ اس سے تجاوز کرنے کا بھی امکان ہے۔ ایوی ایشن سیفٹی کے ادارے ای اے ایس اے کے سربراہ فلوریان گیلرمیٹ اور دیگر ذرائع نے رائٹرز کو بتایا کہ یہ ایک غیر معمولی تبدیلی ہے، کیونکہ ایک سال پہلے یہ شرح محض 0.6 فیصد تھی۔

دلچسپ بات یہ ہے کہ فضائی کمپنیاں مسلسل خبردار کر رہی تھیں کہ سپلائی کی کمی اور بلند قیمتوں کی وجہ سے یہ ہدف پورا نہیں ہو سکے گا۔ تاہم ایران جنگ کے باعث تیل کی بڑھتی ہوئی قیمتوں اور سپلائی میں رکاوٹ نے متبادل ایندھن کی ضرورت کو مزید نمایاں کر دیا ہے۔ یورپی یونین کے قانون کے مطابق 2030 تک اس شرح کو 6 فیصد تک لے جانا لازمی ہے۔

لفتھانسا اور برٹش ایئرویز جیسی بڑی کمپنیوں کی نمائندہ تنظیم اے فور ای نے حکومت سے مصنوعی ایندھن کے اہداف میں نرمی کی درخواست کی تھی، لیکن یورپی کمیشن نے اسے مسترد کر دیا ہے۔

حکام کا موقف ہے کہ مینڈیٹ پر سختی سے عمل درآمد ہی ایندھن کو سستا اور قابلِ رسائی بنانے کا واحد راستہ ہے۔ سرکاری اعداد و شمار موسم گرما کے بعد جاری کیے جائیں گے، جو فضائی صنعت کے گرین کریڈٹ میں اضافے کا باعث بنیں گے۔