میپل لیف سیمنٹ فیکٹری لمیٹڈ میں اہم تقرریوں کا اعلان

میپل لیف سیمنٹ فیکٹری لمیٹڈ (ایم ایل سی ایف) نے پیر کو کمپنی میں اہم تقرریوں کا اعلان کردیا۔

لسٹڈ کمپنی نے یہ پیش رفت پاکستان اسٹاک ایکسچینج (پی ایس ایکس) کو ایک نوٹس کے ذریعے شیئر کی۔

نوٹس میں کہا گیا ہے کہ کمپنی کے بورڈ آف ڈائریکٹرز نے طارق سعید سیگل کو نان ایگزیکٹو ڈائریکٹر کی حیثیت سے دوبارہ بورڈ کا چیئرمین مقرر کردیا ہے۔

اسی دوران سعید طارق سیگل کو یکم جنوری 2026 سے آئندہ 3 سال کی مدت کے لیے کمپنی کا چیف ایگزیکٹو آفیسرمقرر کیا گیا ہے۔

میپل لیف سیمنٹ فیکٹری لمیٹڈ (ایم ایل سی ایف) کوہ نور میپل لیف گروپ کی فلیگ شپ کمپنی ہے، جو پاکستان کا ایک معروف کاروباری گروپ ہے اور ٹیکسٹائل، سیمنٹ، کیپیٹل مارکیٹس اور صحت کے شعبوں میں سرگرمیاں رکھتا ہے۔

ایم ایل سی ایف پاکستان کی سب سے بڑی سنگل سائٹ سیمنٹ فیکٹری چلاتی ہے جس میں چار گرے سیمنٹ پروڈکشن لائنز اور ایک وائٹ سیمنٹ لائن شامل ہے اور اس کی مجموعی کلنکر پیداوار کی تنصیب شدہ صلاحیت سالانہ 7.8 ملین ٹن ہے۔

گزشتہ ماہ، ایم ایل سی ایف نے پائینئر سیمنٹ لمیٹڈ (پی آئی او سی) کے 11.72 فیصد حصص حاصل کرنے کے لیے عوامی پیشکش کا آغاز کیا، ہر شیئر کی قیمت 478.43 روپے کے مطابق اس سے پہلے کے معاہدے کے تحت 58.03 فیصد حصص اسی نرخ پر خریدنے کا منصوبہ تھا۔

گزشتہ ماہ، ایم ایل سی ایف نے پائنیئر سیمنٹ لمیٹڈ کے مزید 11.72 فیصد تک حصص (شیئرز) 478.43 روپے فی شیئر کے حساب سے خریدنے کے لیے عوامی پیشکش جاری کی تھی۔ یہ پیشکش اس سے قبل ہونے والے ایک معاہدے کے تسلسل میں ہے جس کے تحت پائنیئر سیمنٹ کے 58.03 فیصد حصص اسی ریٹ پر خریدنے کا فیصلہ کیا گیا تھا۔

یہ مجموعی لین دین جو پی آئی او سی کے 69.75 فیصد حصص کی نمائندگی کرتا ہے 75.8 ارب روپے (270.5 ملین ڈالر) کے برابر ہے۔