BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
کاروبار اور معیشت

پی ایس ایکس سے اخراج: شیلڈ کارپوریشن اقلیتی حصص 465 روپے فی شیئر پر خریدے گی

  • خریداری کی قیمت کا تعین اسٹاک ایکسچینج کے ضوابط کے ریگولیشن 5.14.1 کے مطابق مقرر کی گئی
شائع اپ ڈیٹ

بیبی کیئر اور حفظانِ صحت کی مصنوعات تیار کرنے والے پاکستانی ادارے شیلڈ کارپوریشن لمیٹڈ (ایس سی ایل) نے کمپنی کے پیڈ اپ کیپٹل کے 5.37 فیصد کے مساوی 209,598 عام حصص خریدنے کی تجویز پیش کی ہے۔ کمپنی ان حصص کی خریداری 465.17 روپے فی شیئر کے حساب سے کرے گی۔

یہ اقدام ایک ایسے وقت میں سامنے آیا جب شیلڈ کارپوریشن (ایس سی ایل) نے جمعہ کو اسٹاک ایکسچینج میں ایک باضابطہ درخواست جمع کرائی ہے جس میں کمپنی کو اسٹاک ایکسچینج سے ڈی لسٹ (فہرست سے خارج) کرنے اور اقلیتی شیئر ہولڈرز سے حصص کی خریداری کی منظوری دینے کی استدعا کی گئی ہے۔

کمپنی کی جانب سے کہا گیا ہے کہ خریداری کی قیمت کا تعین اسٹاک ایکسچینج کے ضوابط کے ریگولیشن 5.14.1 کے مطابق مقرر کی گئی ہے۔

گزشتہ برس نومبر میں شیلڈ کارپوریشن نے اسٹاک مارکیٹ سے خود کو ڈی لسٹ کرنے کا اعلان کیا تھا۔ کمپنی نے ڈی لسٹنگ کی درج ذیل وجوہات بیان کی تھیں:

  • کمپنی کے حصص کی لیکویڈیٹی نمایاں طور پر کم ہے، جہاں گزشتہ ایک سال کے دوران یومیہ تجارت کا اوسط حجم تقریباً 923 شیئرز رہا ہے۔
  • کمپنی کو گزشتہ دو مالی سال کے دوران خسارہ ہوا ہے۔
  • 2021 کے بعد سے کمپنی نے شیئر ہولڈرز کو کوئی منافع (ڈیوڈنڈ) ادا نہیں کیا ہے۔
  • کمپنی کی ڈی لسٹنگ سے (کاروباری) پیچیدگیوں میں کمی آئے گی اور انتظامیہ کو کمپنی کے بنیادی کاروبار پر توجہ مرکوز کرنے کے لیے زیادہ وقت میسر آئے گا۔

کمپنی نے کہا ہے کہ مندرجہ بالا وجوہات کی بنا پر، اسپانسرز (مالکان) کا ماننا ہے کہ کمپنی کے اقلیتی شیئرہولڈرز کے بہترین مفاد میں یہی ہوگا کہ انہیں (سرمایہ کاری سے) باہر نکلنے کا ایک منصفانہ موقع فراہم کیا جائے۔

شیلڈ کارپوریشن کا مجاز شیئر کیپٹل 15 کروڑ روپے ہے جو کہ 10 روپے فی شیئر کے حساب سے ڈیڑھ کروڑ (15 ملین) عام حصص پر مشتمل ہے۔ اس میں سے 3.9 ملین روپے کی مجموعی برائے نام قدر کے 3.9 ملین عام حصص جاری کیے جا چکے ہیں اور ان کی مکمل ادائیگی ہو چکی ہے۔

اس رپورٹ کی تیاری کے وقت شیلڈ کارپوریشن لمیٹڈ کے شیئرز 488 روپے پر ٹریڈ ہو رہے تھے۔

شیلڈ کارپوریشن لمیٹڈ پاکستان میں 1975 میں ایک پبلک لمیٹڈ کمپنی کے طور پر قائم کی گئی تھی۔

کمپنی کی بنیادی کاروباری سرگرمی اورل ہائجین اور بچوں کی دیکھ بھال کی مصنوعات کی تیاری، تجارت اور فروخت ہے۔ شیلڈ کارپوریشن پاکستان کے 300 سے زائد قصبوں اور شہروں کی ضروریات پوری کرتی ہے۔ اس کے علاوہ، کمپنی یورپ، ایشیا اور افریقہ میں بھی اپنی موجودگی رکھتی ہے۔

واضح رہے کہ حالیہ مہینوں میں کئی کمپنیوں نے پاکستان اسٹاک ایکسچینج سے ڈی لسٹ ہونے کا انتخاب کیا ہے۔

Comments

Comments are closed.