اسکواش اسٹار اشعب عرفان کا عالمی اسٹیج پر کمال ، پہلا پی ایس اے ٹائٹل جیت لیا

پاکستان کے ابھرتے ہوئے اسکواش اسٹار محمد اشعب عرفان نے کینیڈا میں 15 سے 19 اکتوبر 2025 تک ہونے والے رچرڈسن ویلتھ مین اوپن میں شاندار کامیابی حاصل کرتے ہوئے اپنا پہلا پروفیشنل اسکواش ایسوسی ایشن (پی ایس اے) کا کاپر لیول ٹائٹل جیت لیا، پاکستان اسکواش فیڈریشن (پی ایس ایف) نے پیر کو تصدیق کی۔

چوتھے سیڈ اشعب عرفان نے فائنل میں انگلینڈ کے سیم ٹوڈ کو شاندار انداز میں 0-3 سے شکست دی۔ میچ کے اسکور 11-9، 11-1 اور 11-5 رہے، جو 43 منٹ تک جاری رہا۔ اس جیت کے ساتھ انہوں نے 31,250 ڈالر کی انعامی رقم میں فاتح کا حصہ اپنے نام کیا۔

پاکستانی کھلاڑی نے اس فائنل میں بھرپور کنٹرول کا مظاہرہ کیا، اپنی تیز رفتاری، درستگی اور حکمتِ عملی سے مخالف کھلاڑی پر مکمل غلبہ حاصل کرتے ہوئے سیدھے سیٹوں میں کامیابی حاصل کی اور اپنا پہلا پی ایس اے کاپر ایونٹ ٹائٹل جیتا۔

پاکستان کے نور زمان بھی اس ٹورنامنٹ میں شریک ہوئے اور شاندار فتوحات کے بعد کوارٹر فائنل تک رسائی حاصل کی۔

پی ایس ایف نے اشعب عرفان کو اس شاندار کارکردگی پر مبارکباد دی ہے۔