کملا ہیرس نے انتخابی مہم میں اگست میں ٹرمپ کے مقابلے میں تقریبا تین گنا زیادہ خرچ کیا

جمعے کے روز جمع کرائے گئے مالیاتی گوشوارے کے مطابق کملا ہیرس نے انتخابی مہم میں اگست میں اپنے حریف ڈونلڈ ٹرمپ کے مقابلے میں تقریبا تین گنا زیادہ رقم خرچ کی، جس سے 5 نومبر کو ہونے والے صدارتی انتخابات سے قبل ڈیموکریٹس کو زیادہ فنڈ ملنے کا اظہار ہوتا ہے۔

دونوں کی انتخابی مہم انتہائی سخت صدارتی مقابلے کے آخری مرحلے میں داخل ہو رہی ہیں۔

امریکی نائب صدر ہیرس، جنہوں نے جولائی میں اپنی انتخابی مہم کا آغاز اس وقت کیا تھا جب صدر جو بائیڈن نے دوبارہ انتخاب لڑنے کی کوشش ختم کردی تھی اور ان کی حمایت کی تھی، انہوں نے گزشتہ ماہ فیڈرل الیکشن کمیشن کے سامنے 174 ملین ڈالر کے اخراجات کا انکشاف کیا تھا۔

سابق ریپبلکن صدر ٹرمپ کی انتخابی مہم نے الگ سے 61 ملین ڈالر کے اخراجات کی اطلاع دی تھی۔

یہ دونوں امیدوار انتخابات میں آمنے سامنے ہیں، جن میں اہم ریاستیں بھی شامل ہیں جو فاتح کا تعین کر سکتی ہیں۔ 2016 کے صدارتی انتخابات میں ٹرمپ نے ڈیموکریٹ کے مقابلے میں کم رقم جمع کرنے کے باوجود ہیلری کلنٹن کو شکست دی تھی۔

اگست میں ہیرس اور ٹرمپ نے کہا تھا کہ ان کا زیادہ تر خرچ اشتہارات پر ہوتا ہے اور ریلیوں، سفر اور انتخابی عملے کی تنخواہوں کے لیے بہت کم رقم ادا کی جاتی ہے۔

ہیرس کی انتخابی مہم نے مشی گن میں سیاہ فام ووٹروں کی تعداد میں اضافے کے لیے کام کرنے والے غیر منافع بخش ادارے ڈیٹرائٹ یونٹی فنڈ کو 75 ہزار ڈالر کا عطیہ دینے کی بھی اطلاع دی ہے۔

ٹرمپ کے خلاف مباحثے میں بائیڈن کی ناقص کارکردگی کے چند ہفتوں بعد ہیرس کی دوڑ میں شمولیت نے ان کی انتخابی مہم کے لیے عطیات میں اضافے کو بڑھاوا دیا، جو اگست کے اختتام پر 235 ملین ڈالر کے ساتھ ختم ہوئی تھی، جو اس ماہ کے آغاز میں ہونے والی رقم سے کہیں زیادہ تھی۔

ٹرمپ کی انتخابی مہم نے اگست کے اختتام پر 135 ملین ڈالر کے ساتھ اپنا خرچ کم کر دیا، جو اس مہینے کے آغاز کے مقابلے میں تقریبا 17 ملین ڈالر کم ہے۔

ہیرس اور ٹرمپ نے اس سے قبل اس ماہ کے لیے فنڈ ریزنگ کا اعلان کیا تھا جس میں ان کی سیاسی جماعتوں کے اکاؤنٹس بھی شامل تھے۔

فیڈرل الیکشن کمیشن کو اپنی سرکاری انتخابی رپورٹوں کے حوالے سے ہیرس نے اگست کے دوران 190 ملین ڈالر اور ٹرمپ نے 45 ملین ڈالر وصول کرنے کی اطلاع دی۔