ملک ریاض کا سیاسی مقاصد کیلئے مہرہ بننے سے انکار

ملک کے امیر ترین پراپرٹی ٹائیکونز میں سے ایک ملک ریاض نے کہا کہ وہ ایک سال سے زیادہ عرصے سے شدید دباؤ میں ہیں لیکن کسی کو بھی انہیں سیاسی مقاصد کے لئے مہرے کے طور پر استعمال کرنے کی اجازت نہیں دیں گے۔۔

واضح رہے کہ دارالحکومت میں افواہیں گردش کررہی تھیں کہ ملک ریاض جو بحریہ ٹاؤن کے سربراہ ہیں پر شدید دباؤ ہے کہ وہ 190 ملین پاؤنڈ کے القادر ٹرسٹ کیس میں سابق وزیراعظم عمران خان کے خلاف گواہی دیں ۔

انہوں نے کہا کہ میری ساری زندگی اللہ تعالٰی نے ہمیشہ مجھے اپنے اصول پر قائم رہنے کی رہنمائی کی ہے کہ میں کسی بھی معاملے میں سیاسی فریق نہ بنوں ۔

ان کا کہنا تھا کہ پاکستان میں جدید ترین پراجیکٹس متعارف کرانے پر مجھے اور میرے کاروبار کو ہمیشہ نشانہ بنایا گیا ہے ۔ 1996ء سے آج تک ملک کی ترقی میں کردار ادا کرنے کی سزا بھگت رہا ہوں ۔

انہوں نے مزید کہا کہ ماضی میں بھی دباؤ کا پوری ہمت کے ساتھ سامنا کیا ہے آج بھی ذاتی حیثیت میں پورے یقین کے ساتھ کہہ سکتا ہوں اوور مائی ڈیڈ باڈی

ملک ریاض نے مزید کہا کہ اپنی بیماری کی حالت اور پریشانی کے باوجود میں اللہ کی مدد سے مصیبت کا سامنا کرنے کیلئے ثابت قدم ہوں ۔ یومیہ مالی ، کاروباری نقصان برداشت کررہا ہوں اور پوری طرح دیوار کے ساتھ دھکیل دیا جا رہا ہوں لیکن کسی دباؤ کے سامنے ہتھیار نہیں ڈالوں گا۔

انہوں نے دعا کی کہ اللہ تعالیٰ اس مشکل دور میں میری رہنمائی اور مدد کرے اور مجھے عزت کے ساتھ سرخرو کرے۔

کاپی رائٹ بزنس ریکارڈر، 2024