جاپانی وزیراعظم سے ملاقات میں ٹرمپ کا ین کی کمزوری پر اظہار تشویش

امریکی صدر ڈونلڈ ٹرمپ نے جاپانی وزیراعظم سانائے تاکائیچی کے ساتھ حالیہ ملاقات میں ین کی کمزوری پر تشویش کا اظہار کیا ہے۔ جاپانی وزیر خزانہ ساتسوکی کاتایاما نے جمعہ کو یہ بات بتاتے ہوئے کہا کہ وزیراعظم نے بھی اصولی طور پر تسلیم کیا کہ کمزور ین مسئلہ ہے۔

کاتایاما کے مطابق یہ تبادلہ خیال جاپان اور امریکا کے درمیان کرنسی مارکیٹ میں ضرورت سے زیادہ اتار چڑھاؤ اور بے ترتیب حرکات کی روک تھام کے لیے مشترکہ مؤقف کی عکاسی کرتا ہے۔ دونوں ممالک نے 31 جولائی کو کرنسی مارکیٹ میں مشترکہ مداخلت کی تھی۔

وزیر خزانہ نے کہا کہ وہ امریکی وزیر خزانہ اسکاٹ بیسنٹ کے ساتھ زرمبادلہ سمیت مختلف معاملات پر قریبی رابطہ جاری رکھیں گی۔

دریں اثنا امریکی معاشی اعدادوشمار، فیڈرل ریزرو کے سخت مؤقف اور امریکی بانڈز کی بڑھتی ہوئی شرح منافع کے باعث ڈالر کی قدر ین سمیت بڑی کرنسیوں کے مقابلے میں مضبوط ہوئی ہے۔

جاپانی حکام کی جانب سے شرح تبادلہ کی جانچ کے بعد ین عارضی طور پر مضبوط ہوا، تاہم یہ اضافہ برقرار نہ رہ سکا۔