BR100 Increased By (0.58%)
BR30 Increased By (0.3%)
KSE100 Increased By (0.35%)
KSE30 Increased By (0.48%)
BAFL 59.70 Decreased By ▼ -0.29 (-0.48%)
BIPL 24.38 Decreased By ▼ -0.05 (-0.2%)
BOP 31.26 No Change ▼ 0.00 (0%)
CNERGY 11.73 Decreased By ▼ -0.10 (-0.85%)
DFML 16.41 Increased By ▲ 0.09 (0.55%)
DGKC 204.00 Increased By ▲ 2.13 (1.06%)
FABL 94.05 Increased By ▲ 0.19 (0.2%)
FCCL 59.93 Increased By ▲ 0.64 (1.08%)
FFL 14.28 Increased By ▲ 0.13 (0.92%)
GGL 19.13 Decreased By ▼ -0.35 (-1.8%)
HBL 303.47 Decreased By ▼ -0.03 (-0.01%)
HUBC 209.81 Increased By ▲ 3.45 (1.67%)
HUMNL 8.25 Increased By ▲ 0.13 (1.6%)
KEL 6.08 Decreased By ▼ -0.07 (-1.14%)
LOTCHEM 25.73 Decreased By ▼ -0.01 (-0.04%)
MLCF 105.81 Increased By ▲ 2.56 (2.48%)
OGDC 312.55 Decreased By ▼ -0.24 (-0.08%)
PAEL 34.24 Decreased By ▼ -0.59 (-1.69%)
PIBTL 13.62 Decreased By ▼ -0.10 (-0.73%)
PIOC 277.50 Increased By ▲ 7.83 (2.9%)
PPL 223.35 Increased By ▲ 0.73 (0.33%)
PRL 80.99 Decreased By ▼ -1.17 (-1.42%)
SNGP 91.38 Decreased By ▼ -0.03 (-0.03%)
SSGC 23.91 Decreased By ▼ -0.02 (-0.08%)
TELE 7.48 Increased By ▲ 0.16 (2.19%)
TPLP 12.83 Increased By ▲ 0.07 (0.55%)
TRG 52.81 Increased By ▲ 0.02 (0.04%)
UNITY 8.46 Decreased By ▼ -0.02 (-0.24%)
WTL 1.35 Decreased By ▼ -0.04 (-2.88%)
مارکٹس

امریکا ایران مذاکرات پر غیر یقینی، خام تیل کی قیمتوں میں اضافہ

  • برینٹ خام تیل کے فرنٹ منتھ فیوچرز 62 سینٹ یا 0.7 فیصد اضافے کے ساتھ 84.39 ڈالر فی بیرل تک پہنچ گئے
شائع اپ ڈیٹ

عالمی منڈی میں خام تیل کی قیمتوں میں منگل کو معمولی اضافہ دیکھا گیا، ایک روز قبل نمایاں کمی کے بعد سرمایہ کاروں نے مشرق وسطیٰ میں تیل کی سپلائی سے متعلق خدشات کا دوبارہ جائزہ لیا۔ اگرچہ امریکی صدر ڈونلڈ ٹرمپ نے ایران پر مزید حملے مؤخر کرنے کا عندیہ دیا ہے، تاہم سفارتی پیش رفت نہ ہونے کے باعث منڈی میں بے یقینی برقرار ہے۔

برینٹ خام تیل کے فرنٹ منتھ فیوچرز 62 سینٹ یا 0.7 فیصد اضافے کے ساتھ 84.39 ڈالر فی بیرل تک پہنچ گئے، جبکہ امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل 61 سینٹ یا 0.7 فیصد بڑھ کر 80.95 ڈالر فی بیرل ہو گیا۔ اس سے قبل پیر کے روز برینٹ میں 7 فیصد اور ڈبلیو ٹی آئی میں 5 فیصد سے زائد کمی ریکارڈ کی گئی تھی۔

پیر کو قیمتوں میں اس وقت کمی آئی جب صدر ٹرمپ نے کہا کہ وہ ایران کے خلاف مزید حملے فی الحال روک رہے ہیں اور جنگ کے خاتمے کے لیے جاری مذاکرات کا انتظار کر رہے ہیں۔ تاہم ایران کی وزارت خارجہ کے ترجمان اسماعیل بقائی نے اس دعوے کو مسترد کرتے ہوئے کہا کہ امریکا کے ساتھ نہ کوئی مذاکرات ہو رہے ہیں اور نہ ہی کسی ملاقات کا شیڈول طے ہے۔

کے سی ایم ٹریڈ کے چیف مارکیٹ تجزیہ کار ٹم واٹرر کے مطابق ٹرمپ کے مؤقف سے تیل کی قیمتوں پر دباؤ تو کم ہوا ہے، لیکن صورتحال اب بھی انتہائی نازک ہے۔ ان کے بقول اگر دوبارہ میزائل حملے شروع ہوئے یا آبنائے ہرمز میں بحری جہازوں کو نشانہ بنایا گیا تو قیمتیں تیزی سے دوبارہ بڑھ سکتی ہیں۔

امریکا اور ایران کے درمیان آبنائے ہرمز کے حوالے سے اختلافات بھی برقرار ہیں۔ واشنگٹن کا مؤقف ہے کہ جون میں ہونے والی مفاہمتی یادداشت کے تحت ایران کو آبی گزرگاہ کھولنا تھی، جبکہ تہران کا کہنا ہے کہ معاہدے میں اس کی خودمختاری برقرار رکھی گئی ہے۔

بارکلیز کے مطابق 31 جولائی کو ختم ہونے والے ہفتے کے دوران آبنائے ہرمز سے خام تیل اور ریفائنڈ مصنوعات کی یومیہ خالص برآمدات بڑھ کر 4.2 ملین بیرل ہو گئیں، جو اس سے پہلے ہفتے 3.2 ملین بیرل یومیہ تھیں۔

ادھر بحیرہ احمر میں سکیورٹی خدشات بھی برقرار ہیں۔ شپنگ ڈیٹا کے مطابق سعودی پرچم بردار چھ سپر ٹینکروں نے خلیج عدن سے اپنا راستہ تبدیل کرکے جنوبی افریقہ کا رخ کیا، جبکہ دو سعودی آئل ٹینکر باب المندب سے گزرے۔ برطانیہ کے میری ٹائم ٹریڈ آپریشنز نے بھی اطلاع دی ہے کہ عمان کے قریب ایک مال بردار جہاز کو نامعلوم پروجیکٹائل سے نشانہ بنایا گیا، جس سے عالمی توانائی سپلائی کے لیے دونوں اہم بحری گزرگاہوں پر خطرات بدستور برقرار ہیں۔

Comments

200 حروف