حزب اللہ کی حمایت پر ٹرمپ کی ایران پر حملے کی دھمکی

امریکی صدر ڈونلڈ ٹرمپ نے دھمکی دی ہے کہ اگر ایران نے لبنان میں اپنے بھاری معاوضہ لینے والے متبادل جنگجوؤں (پروکسیز) کو فوری طور پر گڑبڑ پھیلانے سے نہ روکا تو وہ ایران پر حملہ کر دیں گے۔ یہ دھمکی ایک ایسے وقت میں سامنے آئی ہے جب سوئٹزرلینڈ میں امن مذاکرات کا آغاز ہو چکا ہے۔

ٹرمپ کا اشارہ حزب اللہ کی طرف تھا جو اسرائیل پر حملوں کے ساتھ مشرقِ وسطیٰ کی جنگ میں شامل ہوئی تھی۔ حالیہ دنوں میں دونوں فریقین کے مابین ہونے والی جھڑپوں کی وجہ سے امریکہ اور ایران کے ابتدائی امن معاہدے کے پٹری سے اترنے کا خطرہ پیدا ہو گیا ہے۔

ٹرمپ نے اپنے سوشل میڈیا پلیٹ فارم ٹروتھ سوشل پر پوسٹ کرتے ہوئے کہا اگر انہوں نے ایسا نہ کیا تو ہم ایران پر ایک بار پھر انتہائی شدید وار کریں گے، بالکل اسی طرح جیسے ہم نے گزشتہ ہفتے کیا تھا بلکہ اس سے بھی زیادہ سخت!!!