پاکستان روس کے ساتھ تیل کے شعبے میں معاہدے کا خواہاں، بات چیت جاری

وفاقی وزیر خزانہ محمد اورنگزیب نے منگل کو آر آئی اے نیوز ایجنسی کو دیے گئے انٹرویو میں بتایا کہ پاکستان اور روس تیل کے شعبے میں ممکنہ معاہدے پر بات چیت کر رہے ہیں۔

دو ممالک کے درمیان تیل کی تلاش، پیداوار اور ریفائننگ میں وسیع تعاون کے حوالے سے پوچھے گئے سوال پر وزیر خزانہ نے کہا کہ یہ تمام شعبے روس کی طاقت ہیں اور ہمیں خوشی ہوگی اگر روس اس شعبے میں پاکستان کے ساتھ کسی معاہدے پر متفق ہو جائے۔

انہوں نے مزید کہا کہ فی الحال یہ معاملہ دونوں جانب کی توانائی کی وزارتوں کے درمیان زیرِ بحث ہے۔

روسی وزیر توانائی سرگئی تسویلیو نے نومبر میں کہا تھا کہ روس نے پاکستان میں ایک ریفائنری کو اپ گریڈ کرنے کے معاملے پر متعلقہ روسی کمپنیوں کے ساتھ بھی بات چیت کی ہے۔

پاکستان نے حالیہ برسوں میں روس کے ساتھ تعلقات میں اضافہ کیا ہے کیونکہ ماسکو نے یوکرین پر مغربی پابندیوں کے بعد توانائی کی نئی منڈیوں کی تلاش شروع کر دی ہے جب کہ اسلام آباد درآمدی لاگت کو کم کرنے کا خواہاں ہے۔ پاکستان نے 2023 میں روسی خام تیل کی خریداری شروع کی۔

آر آئی اے کی رپورٹ کے مطابق وزیر خزانہ نے یہ بھی کہا کہ روس اور پاکستان پاکستان میں ایک اور اسٹیل پلانٹ بنانے پر غور کر رہے ہیں۔