کمِنز تیسرے ایشز ٹیسٹ کیلئے آسٹریلین اسکواڈ کی قیادت کریں گے

آسٹریلیا کے کپتان پٹ کمِنز کو تیسرے ایشز ٹیسٹ کے لیے اسکواڈ میں شامل کر لیا گیا ہے، جس سے یہ اشارہ ملتا ہے کہ وہ اگلے ہفتے ایڈیلیڈ میں سیریز میں پہلی بار کھیلتے ہوئے نظر آئیں گے۔

کمِنز گزشتہ کچھ دنوں سے کمر کے درد کا شکار تھے اور اسی وجہ سے پرتھ اور برسبین میں انگلینڈ کے خلاف آٹھ وکٹ سے حاصل ہونے والی جیت کے میچز میں حصہ نہیں لے سکے۔

آسٹریلیا کے کوچ اینڈریو میکڈونلڈ نے کہا کہ کمِنز اپنی بہترین تیاری کے ساتھ میدان میں آئیں گے اور نیٹ سیشنز میں کئی گئی مشقوں نے ان کی مہارت کو برقرار رکھا ہے۔ اگر کوئی غیر متوقع مسئلہ پیش نہ آیا تو کمِنز ایڈیلیڈ میں ٹاس کریں گے اور کپتانی کا بلیزر پہنیں گے۔

دوسری جانب جوش ہیزل ووڈ سیریز کے باقی میچز سے انجری کے باعث باہر ہو گئے ہیں اور اب وہ آئندہ سال بھارت اور سری لنکا میں ہونے والے آئی سی سی مینز ٹی20 ورلڈ کپ کی تیاری کریں گے۔

پیس بولر مائیکل نیسر اسکواڈ میں برقرار ہیں لیکن ممکن ہے کہ ایڈیلیڈ میں کمِنز اور نیتھن لیون کی واپسی کے باعث انہیں کھیلنے کا موقع نہ ملے۔

برینڈن ڈوگیٹ، جو سیریز کے پہلے میچ میں ڈیبیو کر چکے ہیں، بھی ایڈیلیڈ میں سکواڈ سے باہر ہو سکتے ہیں۔

اسکواڈ میں پٹ کمِنز کے علاوہ اوپنر عثمان خواجہ، اسٹیو اسمتھ، کیمرون گرین، ٹریوس ہیڈ، میچل اسٹارک، مارنس لیبوشین، جیک ویذرلڈ اور دیگر شامل ہیں۔