افغان وزارتِ خارجہ کے ترجمان نے ایک بیان میں کہا ہے کہ افغانستان کے طالبان کی نمائندگی کرنے والے ایک وفد نے منگل کے روز برسلز میں یورپی کمیشن کے حکام سے ملاقات کی ہے، جہاں قونصلر امور پر ابتدائی بات چیت کا آغاز کیا گیا۔
ترجمان عبدالقہار بلخی کے مطابق اجلاس کے ایجنڈے میں یورپی یونین میں افغان شہریوں کے لیے قونصلر خدمات کی ممکنہ بحالی، قونصلر موجودگی کے ساتھ ساتھ ”اعتماد سازی کے اقدامات کی ضرورت“ شامل تھی۔
عبدالقہار بلخی نے کہا کہ اس ملاقات نے ”بیرونِ ملک مقیم افغان شہریوں کے قونصلر حقوق کے تحفظ کے لیے مثبت پیش رفت کی امید کو تقویت دی ہے۔“
انہوں نے مزید کہا کہ یہ یورپی یونین کی جانب سے طالبان کی واپسی کے بعد پہلی مرتبہ اس گروپ کی میزبانی تھی، جو پانچ سال قبل افغانستان میں ان کے دوبارہ اقتدار میں آنے کے بعد پہلی باضابطہ ملاقات ہے۔
Comments