پاکستان اور امریکا کا اقتصادی تعلقات مضبوط بنانے پر اتفاق

پاکستانی وفد نے، جس کی قیادت سینیٹر محمد اورنگزیب، وفاقی وزیر خزانہ کر رہے تھے، واشنگٹن ڈی سی میں امریکی محکمہ تجارت میں امریکی وزیر تجارت ہاورڈ اے لٹنک سے ملاقات کی۔

وفاقی وزیر خزانہ کے ہمراہ سیکریٹری تجارت، امریکا میں پاکستان کے سفیر اور تجارتی و اقتصادی وزرا بھی موجود تھے۔

دونوں جانب سے تجارت اور سرمایہ کاری کے شعبوں میں اقتصادی تعاون کو فروغ دینے کی خواہش کا اظہار کیا گیا۔ اس کے علاوہ امریکا کی جانب سے آئی سی ٹی، کان کنی، معدنیات اور توانائی کے شعبوں میں سرمایہ کاری میں دلچسپی پر بھی تبادلہ خیال کیا گیا۔

وزیر خزانہ نے 31 مارچ 2026 کو منعقد ہونے والے یو ایس پاکستان ٹریڈ اینڈ انویسٹمنٹ فورم کے انعقاد میں یو ایس چیمبر آف کامرس کے کردار کو سراہا۔ اس فورم میں دونوں ممالک کی معروف کمپنیوں کے نمائندے شریک ہوں گے جبکہ پاکستان اور امریکا کی وزارتی سطح کی نمائندگی بھی متوقع ہے۔ وزیر خزانہ نے امید ظاہر کی کہ امریکی وزیر تجارت کا دفتر بھی اس فورم میں شرکت کرے گا۔

دونوں فریقین نے آئندہ مہینوں میں بڑے منصوبوں میں سرمایہ کاری کے حوالے سے روابط اور بات چیت کو مزید آگے بڑھانے کے عزم کا اعادہ کیا۔

کاپی رائٹ بزنس ریکارڈر، 2026