سیکیورٹی خدشات کے باعث بیریک کا ریکو ڈک منصوبے کا جائزہ

بیریک مائننگ کے چیف ایگزیکٹو آفیسر مارک ہِل کے مطابق کمپنی کا بورڈ بلوچستان میں واقع سونے اور تانبے کے منصوبے کے تمام پہلوؤں کا جائزہ لے رہا ہے، جس میں سرمایہ مختص کرنے کے امور بھی شامل ہیں۔ انہوں نے یہ بات مالی نتائج کے بعد ہونے والی کانفرنس کال میں کہی۔

انہوں نے بتایا کہ یہ فیصلہ صوبے میں سیکیورٹی خدشات میں حالیہ اضافے اور سیکیورٹی واقعات میں اضافے کے بعد کیا گیا ہے۔

کمپنی کے مطابق ریکوڈک منصوبے کے سیکیورٹی انتظامات، ترقیاتی شیڈول اور کیپیٹل بجٹ کا جائزہ فوری طور پر شروع کیا جائے گا، جبکہ اس عمل کی تکمیل کے بعد صورتحال سے آگاہ کیا جائے گا۔

سونے اور تانبے کا یہ منصوبہ 50 فیصد بیریک کی ملکیت ہے، جبکہ 25 فیصد حصص تین وفاقی سرکاری اداروں کے پاس ہیں اور باقی 25 فیصد حکومت بلوچستان کی ملکیت ہیں۔