BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
پاکستان

کاروباری لاگت، کارگو میں تاخیر کو کم کرنے کے لیے بڑے پیمانے پر پورٹ اصلاحات کی جائیں، وزیراعظم

  • شہباز شریف نے شفاف نیلامی کا نظام متعارف کرانے کی بھی ہدایت کردی
شائع اپ ڈیٹ

وزیراعظم محمد شہباز شریف نے بدھ کے روز پورٹ حکام کو ہدایت کی ہے کہ کاروباری برادری کو سہولت فراہم کرنے اور قومی معاشی ترقی کو فروغ دینے کے لیے کارگو کے ” ڈویل ٹائم“ میں نمایاں کمی لائی جائے اور غیر ضروری لیبارٹری ٹیسٹنگ کا خاتمہ کیا جائے۔

بندرگاہوں کی ترقی سے متعلق نجی شعبے کے ورکنگ گروپ کے اعلیٰ سطح اجلاس کی صدارت کرتے ہوئے وزیراعظم نے کہا کہ پاکستان کی بندرگاہیں معیشت کی ریڑھ کی ہڈی کی حیثیت رکھتی ہیں۔ انہوں نے ہدایت کی کہ مختلف بندرگاہی چارجز میں مزید کمی کی جائے تاکہ پاکستانی برآمدات عالمی منڈی میں زیادہ مسابقتی بن سکیں۔

وزیراعظم نے یہ بھی ہدایت کی کہ سامان کی اندرونِ ملک ترسیل کو بہتر بنانے کے لیے بندرگاہوں سے ریل رابطہ اپ گریڈ کیا جائے۔ انہوں نے کہا کہ تمام بندرگاہوں، بالخصوص کراچی میں، ڈریجنگ اور توسیعی کام تیز کیے جائیں تاکہ بڑے بحری جہازوں کی آمد ممکن ہو سکے، اور بتایا کہ ان منصوبوں کے لیے ٹینڈرز پہلے ہی جاری کیے جا چکے ہیں۔

تاخیر سے بچنے کے لیے وزیراعظم نے حکم دیا کہ ابتدائی کارگو ٹیسٹنگ کی لیبارٹریاں بندرگاہوں کے احاطے میں قائم کی جائیں اور غیر ضروری لیبارٹری ٹیسٹ ختم کیے جائیں۔

طویل عرصے سے بندرگاہوں پر پڑے لاوارث کارگو کے مسئلے سے نمٹنے کے لیے وزیراعظم شہباز شریف نے شفاف نیلامی نظام متعارف کرانے کی ہدایت کی۔ انہوں نے ایسے کارگو کے لیے مخصوص یارڈز قائم کرنے کا حکم دیا اور اس عمل کے انتظام کے لیے عالمی شہرت یافتہ کمپنیوں کی خدمات حاصل کرنے کی تجویز دی۔ جلد ہی ایک نیا ای بڈنگ سسٹم فعال ہو جائے گا، جس کے تحت ملک بھر سے شرکا دور بیٹھے لاوارث کارگو کی نیلامی میں حصہ لے سکیں گے۔

ورکنگ گروپ کے چیئرمین زیاد بشیر نے بندرگاہی اصلاحات سے متعلق ٹھوس سفارشات پیش کیں اور حکومت کے حالیہ اقدامات کو سراہا۔ انہوں نے کہا کہ پاکستان انٹرنیشنل ایئرلائنز (پی آئی اے) کی شفاف نجکاری سے کاروباری برادری کا اعتماد نمایاں طور پر بحال ہوا ہے۔

اجلاس کو بتایا گیا کہ قومی بندرگاہی ماسٹر پلان تیزی سے آگے بڑھ رہا ہے اور پورٹ کمیونٹی سسٹم پہلے ہی فعال ہو چکا ہے۔ مزید یہ کہ ایک بڑے ریلیف اقدام کے طور پر پورٹ قاسم پر بلک کارگو فیس میں حال ہی میں 50 فیصد سے زائد کمی کی گئی ہے۔

اجلاس میں وفاقی وزرا احسن اقبال، احد خان چیمہ، مصدق ملک اور دیگر سینئر سرکاری حکام نے شرکت کی۔

Comments

Comments are closed.