سمیڈا اور آئی ایل او کی مشترکہ کوشش، ایس ایم ایز کی رسمی شناخت پر آگاہی سیشن

چھوٹے اور درمیانے درجے کے کاروباری اداروں کی ترقی کے ادارے (سمیڈا) نے آئی ایل او کے تعاون سے ٹیکسٹائل اور آٹو ویلیو چینز میں ایس ایم ایز کو باضابطہ بنانے کے لیے لاہور میں ایک آگاہی سیشن منعقد کیا۔

ڈپٹی جنرل منیجر ایس ایم ای ڈویژن سمیڈا محمد آصف نے سیشن میں غیر رسمی کاروبار سے رسمی کاروبار کی جانب منتقلی کے فوائد پر روشنی ڈالی جن میں پیداواری صلاحیت میں اضافہ، مارکیٹ تک بہتر رسائی اور عالمی معیارات کی تعمیل شامل ہے۔ انہوں نے ایس ایم ایز اور ہوم بیسڈ ورکرز کی حمایت کے لیے ڈیجیٹل ٹولز اور صلاحیت سازی کے جاری اقدامات کو بھی اجاگر کیا۔

سیکشن میں ٹیکسٹائل، آٹو اور دیگر مختلف شعبوں کے ویلیو چین کے شرکاء نے فعال طور پر اپنے تجربات اور چیلنجز کا اشتراک کیا جس سے رسمی شناخت کو مضبوط بنانے اور اجتماعی کوششوں کے ذریعے باعزت روزگار کو فروغ دینے پر مؤثر مکالمہ ممکن ہوا۔

کاپی رائٹ بزنس ریکارڈر 2025