شام پر سے امریکی پابندیاں ہٹا دیں گے، صدر ٹرمپ کا اعلان

امریکی صدر ڈونلڈ ٹرمپ نے منگل کے روز اعلان کیا کہ وہ سعودی ولی عہد کی درخواست پر شام پر عائد پابندیاں ختم کرنے کا حکم دیں گے، جو جنگ سے تباہ حال ملک کو مستحکم کرنے کی کوششوں میں مصروف عبوری شامی صدر احمد الشراع کے لیے ایک بڑا سہارا ہوگا۔

ٹرمپ نے یہ حیران کن اعلان اپنے علاقائی دورے کے دوران کیا، جو سعودی عرب سے شروع ہوا۔ وائٹ ہاؤس نے کہا کہ ٹرمپ سعودی دورے کے دوران الشراع سے ملاقات کریں گے، جس سے عندیہ ملا کہ امریکی صدر اور ایک سابق القاعدہ کمانڈر، جو پانچ سال امریکی قید میں عراق میں گزار چکے ہیں، کے درمیان بدھ کو ملاقات ہوگی۔

شامی صدارت کے دو ذرائع کے مطابق، الشراع ٹرمپ سے ملاقات کے لیے ریاض روانہ ہوں گے۔

امریکہ نے بشار الاسد کے دورِ حکومت میں شام پر سخت پابندیاں عائد کی تھیں، اور یہ پابندیاں اُس وقت سے نافذ تھیں جب وہ دسمبر میں، 13 سال سے زائد عرصے تک جاری رہنے والی جنگ کے بعد، اقتدار سے ہٹائے گئے۔

سعودی عرب ان چند اہم آوازوں میں شامل رہا ہے جو شام پر عائد پابندیاں ختم کرنے کا مطالبہ کر رہی تھیں۔

ٹرمپ نے کہا کہ وہ شام پر عائد تمام پابندیاں ختم کر دیں گے۔ انہوں نے کہا کہ یہ پابندیاں اپنے وقت پر ایک اہم کردار ادا کر چکی ہیں، لیکن اب وقت ہے کہ شام آگے بڑھے۔

ٹرمپ نے ریاض میں ایک سرمایہ کاری فورم سے خطاب کرتے ہوئے کہا کہ ”میں شام پر عائد پابندیاں ختم کرنے کا حکم دوں گا تاکہ انہیں عظمت حاصل کرنے کا ایک موقع دیا جا سکے۔“

الشراع برسوں تک شامی تنازع میں القاعدہ کے رسمی دھڑے کے رہنما رہے، اس سے پہلے کہ انہوں نے 2016 میں عالمی نیٹ ورک سے اپنے تعلقات کو ختم کر لیا تھا۔

حیات تحریر الشام، جس کی قیادت الشراع نے کی اور جو جنوری میں باضابطہ طور پر تحلیل ہو گیا، کو امریکہ اور اقوام متحدہ نے دہشت گرد تنظیم قرار دیا ہے۔

امریکی صدر کا کہنا ہے کہ اب ان کا وقت ہے چمکنے کا۔ ہم تمام پابندیاں ہٹا رہے ہیں،“ ٹرمپ نے کہا ”گڈ لک شام، ہمیں کچھ خاص دکھاؤ۔“