ڈالر کے مقابلے میں روپے کی قدر میں کمی

انٹربینک مارکیٹ میں جمعرات کے کاروباری روز امریکی ڈالر کے مقابلے میں پاکستانی روپے کی قدر میں 0.02 فیصد کا اضافہ ریکارڈ کیا گیا ہے۔

کاروبار کے اختتام پر ڈالر کے مقابلے میں قدر 5 پیسے کم ہونے کے بعد روپیہ 281 روپے 52 پیسے پر بند ہوا۔

یاد رہے کہ بدھ کو روپیہ 281.47 پر بند ہوا تھا۔

بین الاقوامی سطح پر جمعرات کو امریکی ڈالر یورو کے مقابلے میں مستحکم رہا، جو اس سے ایک دن پہلے دو ہفتوں کے سب سے بڑے اضافہ کے بعد تھا، جب فیڈرل ریزرو نے افراطِ زر اور بیروزگاری میں اضافے کے باعث معیشت کو بڑھتے ہوئے خطرات سے خبردار کیا تھا۔

امریکی ڈالر کو واشنگٹن اور بیجنگ کے درمیان تجارتی کشیدگی میں کمی کی توقعات سے بھی حمایت حاصل ہوئی، اور سرمایہ کار ہفتے کو سوئٹزرلینڈ میں ہونے والے منصوبہ بند اجلاس سے قبل کی پیش رفت پر گہری نظر رکھے ہوئے ہیں۔

بدھ کو فیڈرل اوپن مارکیٹ کمیٹی نے شرح سود کو جیسا کہ توقع کی جارہی تھی ویسا ہی برقرار رکھا، لیکن فیڈ چیئرمین جیروم پاول نے کہا کہ یہ واضح نہیں کہ معیشت اپنی مستحکم ترقی کی رفتار کو برقرار رکھے گی یا بڑھتی ہوئی تجارتی غیر یقینی صورتحال اور افراطِ زر میں ممکنہ اضافے کے دباؤ تلے دب جائے گی۔

مارکیٹس فی الحال سال کے آخر تک تین چوتھائی پوائنٹ شرح سود میں کمی کی توقع کررہی ہیں، جس میں اگلی کمی جولائی یا ستمبر میں ہوسکتی ہے۔

امریکی ڈالر جمعرات کی صبح ایشیا میں یورو کے مقابلے میں 1.1313 ڈالر پر تقریباً بغیر کسی تبدیلی کے ٹریڈ کررہا تھا۔

امریکی ڈالر انڈیکس بدھ کو 0.26 فیصد اضافے کے بعد 99.842 پر مستحکم رہا۔