ڈالر کے مقابلے میں روپے کی قدر میں معمولی اضافہ

انٹربینک مارکیٹ میں امریکی ڈالر کے مقابلے میں پاکستانی روپے کی قدر میں 0.02 فیصد کا اضافہ ریکارڈ کیا گیا ہے۔

کاروبار کے اختتام پر ڈالر کے مقابلے میں قدر 6 پیسے بڑھنے کے بعد روپیہ 278 روپے 93 پیسے پر بند ہوا۔

اسٹیٹ بینک آف پاکستان (ایس بی پی) کے مطابق منگل کو روپیہ 278.93 پر بند ہوا تھا۔

بین الاقوامی سطح پر ڈالر مستحکم رہا کیونکہ تاجروں نے جاپانی ین جیسے محفوظ پناہ گاہ والی کرنسیوں سے پیچھے ہٹ کر امریکی ڈالر میں سرمایہ کاری کی جبکہ ڈونلڈ ٹرمپ انتظامیہ کی طرف سے نئے ٹیرف وارننگز نے بھی اس کی حمایت کی ۔

ڈالر انڈیکس مسلسل دو دنوں میں 0.2 فیصد اضافے کے بعد 107.91 پر مستحکم رہا۔

گزشتہ ہفتے اس کا اختتام 0.6 فیصد کمی کے ساتھ ہوا کیونکہ تاجروں کا خیال تھا کہ امریکی صدر ڈونلڈ ٹرمپ کی ٹیرف کی شرح انتخابی مہم کے دوران بڑے محصولات کی دھمکیوں کے بعد توقع سے کم ہوگی۔

تاہم منگل کو وائٹ ہاؤس نے کینیڈا اور میکسیکو پر محصولات عائد کرنے کے منصوبے کا اعادہ کیا تھا جس کے بارے میں ٹرمپ نے پہلے کہا تھا کہ یہ 25 فیصد ہوگا اور صدر اب بھی چین پر نئے محصولات عائد کرنے پر غور کر رہے ہیں۔

میکسیکن پیسو قدرے گر کر 20.5440 فی امریکی ڈالر پر آگیا جبکہ کینیڈا کا لونی گرین بیک کے مقابلے میں 1.4402 کینیڈین ڈالر پر مستحکم رہا۔

ین تقریبا 0.1 فیصد کم ہوکر 155.66 فی امریکی ڈالر پر آگیا۔