بینکنگ سیکٹر، اے ڈی آر پر مبنی ٹیکس نظام کے متبادل پر تبادلہ خیال

نائب وزیراعظم سینیٹر محمد اسحاق ڈار کی زیر صدارت بینکنگ سیکٹر میں ایڈوانس ٹو ڈپازٹ ریشو (اے ڈی آر) کے مسئلے پر اعلیٰ سطح کا اجلاس منعقد ہوا۔

اجلاس میں وزیر مملکت برائے خزانہ و ریونیو، گورنر اسٹیٹ بینک، سیکرٹری خزانہ، چیئرمین فیڈرل بورڈ آف ریونیو (ایف بی آر) اور دیگر سینئر سرکاری حکام نے شرکت کی۔

شرکاء نے معیشت کے پیداواری شعبوں کو مجموعی طور پر قرضے دینے پر اے ڈی آر پالیسی کے استعمال، ٹیکس محصولات کے اہداف پر اس کے اثرات اور بینکاری شعبے کے لئے بہترین ماحول پر تبادلہ خیال کیا۔

حکومت نے فنانس ایکٹ 2022 کے تحت 50 فیصد سے کم اے ڈی آر تناسب والے بینکوں کے لئے سرمایہ کاری آمدنی پر زیادہ ٹیکس کی شرح متعارف کرائی تھی۔ اس ٹیکس کا مقصد تجارتی قرضوں میں اضافہ کرنا اور غیر فعال آمدنی پر زیادہ شرح پر ٹیکس لگانا ہے۔

2024 کی رواں سہ ماہی میں بینکنگ سیکٹر زیادہ ٹیکسوں سے بچنے کے لئے اے ڈی آر میں اضافہ کرنے کی کوشش کر رہا ہے۔ اجلاس میں اے ڈی آر پر مبنی ٹیکس نظام کے متبادل آپشنز پر تبادلہ خیال کیا گیا۔

کاپی رائٹ بزنس ریکارڈر، 2024