ڈالر کے مقابلے میں روپے کی قدر مستحکم

انٹر بینک مارکیٹ میں جمعے کے کاروباری روز امریکی ڈالر کے مقابلے میں پاکستانی روپے کی قدر میں بڑے پیمانے پر استحکام دیکھا گیا اور قدر میں صرف 0.01 فیصد کمی ریکارڈ کی گئی۔

کاروبار کے اختتام پر ڈالر کے مقابلے میں قدرایک پیسے کم ہونے کے بعد روپیہ 278.05 روپے پر بند ہوا ۔

اسٹیٹ بینک آف پاکستان (ایس بی پی) کے مطابق جمعرات کو روپیہ 278.04 پر بند ہوا تھا۔

ٹوکیو میں توقع سے زیادہ تیزی سے افراط زر کی وجہ سے بینک آف جاپان کی جانب سے اگلے ماہ شرح سود میں اضافے کے دعوے کے بعد بین الاقوامی سطح پر ین جمعہ کے روز ایک فیصد اضافے کے ساتھ چھ ہفتوں کی بلند ترین سطح 150 روپے فی امریکی ڈالر پر پہنچ گیا۔

امریکی تھینکس گیونگ کی تعطیلات کی وجہ سے ٹریڈنگ میں زیادہ تر بڑے حریفوں کے مقابلے میں امریکی ڈالر کی قدر میں کمی واقع ہوئی اور اسٹرلنگ 20 نومبر کے بعد سے بلند ترین سطح پر پہنچ گیا۔

گزشتہ ہفتے امریکی ڈالر کی قدر میں کمی کے باوجود، ایک ہفتہ قبل اہم حریف کرنسی کے مقابلے میں ڈالر کی قیمت دو سال کی بلند ترین سطح پر پہنچنے کے بعد، یہ اب بھی نومبر کے لئے 2 فیصد سے زیادہ اضافے کی راہ پر گامزن ہے، جو گزشتہ ماہ 3 فیصد سے زیادہ کا اضافہ ہے.

اس ہفتے ڈالر انڈیکس 1.5 فیصد کمی کی راہ پر گامزن ہے۔

ڈالر انڈیکس 0.18 فیصد کمی کے ساتھ 105.88 پر بند ہوا۔

تیل کی قیمتیں، جو کرنسی کی برابری کا ایک اہم اشارہ ہے، جمعے کے روز رسد کے خطرے کی ممکنہ تجدید کے بعد مخلوط رہی کیونکہ اسرائیل اور حزب اللہ نے جنگ بندی کی خلاف ورزیوں کے الزامات کا تبادلہ کیا، اور اوپیک پلس اجلاس میں تاخیر کی وجہ سے سرمایہ کاروں کو اس کی آؤٹ پٹ پالیسی پر فیصلے کا انتظار کرنا پڑا۔

برینٹ کروڈ فیوچر 7 سینٹ یا 0.1 فیصد کی کمی سے 73.21 ڈالر فی بیرل پر آگیا۔ یو ایس ویسٹ ٹیکساس انٹرمیڈیٹ خام تیل کا فیوچر بدھ کی اختتامی قیمت کے مقابلے میں 38 سینٹ یا 0.55 فیصد اضافے کے ساتھ 69.10 ڈالر پر رہا۔

جمعرات کو تھینکس گیونگ کی تعطیلات کی وجہ سے ٹریڈنگ کم رہی جس نے امریکی مالیاتی مارکیٹوں کو بند کردیا۔