پالیسی فیصلے، عملدرآمد میں تاخیر پر ای سی سی کو تشویش

کابینہ کی اقتصادی رابطہ کمیٹی (ای سی سی) نے اپنے فیصلوں پر عمل درآمد میں تاخیر پر تشویش کا اظہار کیا اور متعلقہ وزارتوں کو ہدایت کی کہ وہ اپنی کوآرڈینیشن کو بہتر بنائیں اور اسٹیک ہولڈر وزارتوں اور ڈویژنوں کے ساتھ مل کر کام کریں۔

وفاقی وزیر خزانہ سینیٹر محمد اورنگزیب کی زیر صدارت کابینہ کی اقتصادی رابطہ کمیٹی کا خصوصی اجلاس فنانس ڈویژن میں منعقد ہوا۔

اجلاس میں فنانس، داخلہ، صنعت و پیداوار، بین الصوبائی رابطہ، ہاؤسنگ اینڈ ورکس، فوڈ سیکیورٹی اینڈ ریسرچ، پاور، نیشنل ہیلتھ سروسز ریگولیشن اور کوآرڈینیشن سے متعلق ای سی سی کے سابقہ پالیسی فیصلوں پر عملدرآمد کی صورتحال کا جائزہ لیا گیا۔

ای سی سی کو اپنے ماضی کے فیصلوں پر عملدرآمد کی مجموعی صورتحال پر بریفنگ دی گئی جس کے بعد متعلقہ وزارتوں کی جانب سے ان کے پاس زیر التواء مسائل کی موجودہ صورتحال اور ان پر اٹھائے گئے اقدامات کے بارے میں الگ الگ پریزنٹیشنز پیش کی گئیں۔

ای سی سی نے اپنے فیصلوں پر عمل درآمد میں تاخیر پر تشویش کا اظہار کیا اور متعلقہ وزارتوں کو ہدایت کی کہ وہ اپنی کوآرڈینیشن کو بہتر بنائیں اور اسٹیک ہولڈرز کی وزارتوں اور ڈویژنز کے ساتھ ایک مناسب اسکیلیشن میکانزم کے ذریعے فعال طور پر کام کریں تاکہ ای سی سی کے فیصلوں پر عملدرآمد کے لئے تفویض کردہ کاموں اور ذمہ داریوں کی بروقت تعمیل اور تکمیل کو یقینی بنایا جاسکے۔

ذرائع نے انکشاف کیا کہ 7 مئی 2024 کو ای سی سی نے ہاؤسنگ اینڈ ورکس کی ہدایت کی اور وزارت داخلہ (سی ڈی اے) وفاقی حکومت کی عمارتوں کی بحالی کے کاموں کو آؤٹ سورس کرنے کے لئے ایک قابل عمل پلان شیئر کرے گی۔

وفاقی کابینہ نے 14 مئی 2024 کو فیصلے کی توثیق کی تھی جبکہ میمو 21 مئی 2024 کو جاری کیا گیا تھا۔ بعد ازاں چار یاد دہانیاں بھیجی گئیں تاہم اسٹیک ہولڈرز ای سی سی کے فیصلے پر عملدرآمد کرنے میں ناکام رہے۔

اجلاس میں وزیر صنعت و پیداوار رانا تنویر حسین، وزیر توانائی سردار اویس احمد خان لغاری، وزیر منصوبہ بندی احسن اقبال، وزیر تجارت جام کمال خان، وزیر مملکت برائے خزانہ و ریونیو علی پرویز ملک (ورچوئل)، وفاقی سیکرٹریز اور متعلقہ وزارتوں اور محکموں کے سینئر افسران نے شرکت کی۔

کاپی رائٹ بزنس ریکارڈر، 2024