ڈالر کے مقابلے روپے کی قدر میں معمولی بہتری

انٹر بینک مارکیٹ میں پیر کو امریکی ڈالر کے مقابلے میں پاکستانی روپے کی قدر میں 0.01 فیصد کی کمی ریکارڈ کی گئی۔

اختتام پر ڈالر 277.66 روپے پر بند ہوا جو ڈالر کے مقابلے میں 0.02 روپے کی کمی ہے۔

گزشتہ ہفتے ڈالر کے مقابلے روپیہ 12 پیسے یا 0.04 فیصد کی کمی سے 277.64 پر بند ہوا تھا۔

بین الاقوامی مالیاتی فنڈ نے اپنی اسٹاف رپورٹ میں، جو پچھلے ہفتے جاری کی گئی، خبردار کیا کہ پاکستان کی واشنگٹن میں مقیم قرض دہندہ کو واپس کرنے کی صلاحیت بڑے خطرات کا شکار ہے۔ انہوں نے مزید کہا کہ ملک پالیسی کے نفاذ اور بروقت بیرونی فنانسنگ پر بہت زیادہ انحصار کرتا ہے۔

عالمی سطح پرڈالر کی قدر میں پیر کو ایشیا میں ابتدائی ٹریڈز میں تیزی دیکھی گئی کیونکہ جاپان میں تعطیلات کی وجہ سے لیکویڈٹی میں کمی واقع ہوئی۔

گزشتہ ماہ کے اواخر میں 100.15 کی کم ترین سطح پر گرنے کے بعد ڈالر انڈیکس کو توقعات سے تقویت ملی ہے کہ فیڈرل ریزرو اگلے ماہ شرح سود میں 25 بیسس پوائنٹس کی کٹوتی کرے گا۔

کرنسی کی برابری کا ایک اہم اشارہ، تیل کی قیمتوں میں پیر کو ابتدائی ٹریڈنگ میں 1.5 فیصد سے زیادہ کی کمی کے ساتھ ایک ڈالر فی بیرل سے زیادہ کی کمی واقع ہوئی۔ مایوس کن چینی افراط زر کے اعداد و شمار اور بیجنگ کے معاشی محرک منصوبوں پر وضاحت کی کمی نے طلب کے بارے میں خدشات کو جنم دیا۔

برینٹ کروڈ فیوچر 1.26 ڈالر یا 1.59 فیصد کی کمی سے 77.78 ڈالر فی بیرل اور یو ایس ویسٹ ٹیکساس انٹرمیڈیٹ کروڈ فیوچر 1.20 ڈالر یا 1.59 فیصد کی کمی سے 74.36 ڈالر فی بیرل پر بند ہوا۔

چین کی جانب سے آنے والی منفی خبروں نے ایران کے یکم اکتوبر کے میزائل حملے پر اسرائیل کے ردعمل سے تیل کی پیداوار میں خلل پڑنے کے امکانات پر مارکیٹ کے خدشات کو بڑھا دیا ہے، حالانکہ امریکہ نے اسرائیل کو ایرانی توانائی کے بنیادی ڈھانچے کو نشانہ بنانے کے خلاف متنبہ کیا ہے۔