امریکی دھمکیاں معاہدے کی راہ میں رکاوٹ، ایرانی وزیر خارجہ

ایران کے وزیرِ خارجہ نے منگل کو کہا کہ جب تک امریکہ کی دھمکیاں جاری رہیں گی، تہران اور واشنگٹن کے درمیان حتمی معاہدے کے لیے مذاکرات شروع نہیں ہوں گے۔ یہ بیان امریکی صدر کی اس دھمکی کے بعد سامنے آیا جس میں انہوں نے کہا تھا کہ اگر معاہدہ نہ ہوا تو وہ کام مکمل کر دیں گے۔

ایران کے وزیرِ خارجہ عباس عراقچی نے سوشل میڈیا پلیٹ فارم ایکس پر ایک پوسٹ میں لکھا کہ اگر دھمکیاں جاری رہیں تو حتمی معاہدے پر مذاکرات شروع نہیں ہوں گے۔ اپنے دستخط کا پاس رکھیں۔

عراقچی کی یہ پوسٹ گزشتہ ماہ ایران اور امریکہ کے درمیان طے پانے والے ایک عبوری معاہدے کی طرف اشارہ کر رہی تھی جس میں دونوں فریقین سے ایک دوسرے کے خلاف طاقت کے استعمال یا دھمکیوں سے گریز کرنے کا مطالبہ کیا گیا ہے۔